+7 (701) 759 90 19
-8 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

«سارى ارقا» گاز قۇبىرىن توسەۋ جۇمىستارى 100 پايىز اياقتالدى

20 قاراشا 14:14
:ءبولىسۋ

نۇر-سۇلتان. قازاقپارات - «سارىارقا» ماگيسترالدى گاز قۇبىرىنىڭ جەلىلىك بولىكتەرى 100 پايىز توسەلىپ، دانەكەرلەندى.

بۇل تۋرالى بۇگىن ۇكىمەت ۇيىندەگى باسپا ءسوز ءماسليحاتىندا ق ر ەنەرگەتيكا ۆيتسە-ءمينيسترى مۇرات جۇرەبەكوۆ ايتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ سايلاۋالدى باعدارلاماسىندا مينيسترلىك الدىنا قويىلعان مىندەتتەردىڭ ءبىرى - ەلوردامىزدى، رەسپۋبليكانىڭ سولتۇستىك جانە ورتالىق وڭىرلەرىن گازبەن جابدىقتاۋ ءۇشىن «سارىارقا» ماگيسترالدى گاز قۇبىرىنىڭ ءبىرىنشى كەزەڭىن ۋاقىتىلى اياقتاۋ. گاز قۇبىرىنىڭ بۇل ۋچاسكەسى نۇر-سۇلتان، قاراعاندى، تەمىرتاۋ، جەزقازعان قالالارىنىڭ جانە گاز قۇبىرى تراسساسى بويىنا جاقىن ەلدى مەكەندەردىڭ تۇرعىندارىن تابيعي گازبەن قامتاماسىز ەتۋگە مۇمكىندىك بەرەدى»، - دەدى ول.

ۆيتسە-ءمينيستردىڭ اتاپ وتۋىنشە، جوبانى ىسكە اسىرۋ ءۇشىن «استانا گاز ق م گ» كومپانياسى قۇرىلدى. ونىڭ اكسيونەرلەرى - «سامرۇق-قازىنا» قورى جانە «بايتەرەك» حولدينگى.

«وتكەن جىلدىڭ تامىزىندا ەكونوميكانى جاڭعىرتۋ جونىندەگى مەملەكەتتىك كوميسسيا سىزبا مەن قارجىلاندىرۋ شارتتارىن ماقۇلدادى. جوبا قۇرىلىسىنىڭ جالپى قۇنى 267,3 ميلليارد تەڭگەنى قۇرايدى. ونىڭ ىشىندە 80,3 ميلليارد تەڭگە «استانا گاز ك م گ» جوبالىق كومپانياسىنىڭ جارعىلىق كاپيتالىن قۇرۋ جولى ارقىلى، 85 ميلليارد تەڭگە «ب ج ز ق» ا ق- نىڭ وبليگاتسيالىق زايىمى، 102 ميلليارد تەڭگە ەۋرازيالىق دامۋ بانكى مەن قازاقستاننىڭ دامۋ بانكىنىڭ وبليگاتسيالىق زايمى ارقىلى بولىنەدى. باس مەردىگەر رەتىندە «قاز قۇرىلىس سەرۆيس» كومپانياسى ايقىندالعان»، - دەدى ول.

ونىڭ اتاپ وتۋىنشە، قازىرگى ۋاقىتتا «سارىارقا» ماگيسترالدى گاز قۇبىرىنىڭ نۇر-سۇلتان قالاسىنا دەيىنگى قۇرىلىسى اياقتالۋعا جاقىن.

«قۇرىلىس جۇمىستارىنا 1700 مامان مەن 1 مىڭ ارنايى تەحنيكا جۇمىلدىرىلعان. 1061 شاقىرىم قۇبىر نەمەسە گاز قۇبىرىنىڭ 100 پايىز جەلىلىك بولىگى توسەلىپ، دانەكەرلەندى. 963 شاقىرىم نەمەسە گاز قۇبىرىنىڭ 91 پايىزى سىناقتان وتكىزىلدى»، - دەدى مۇرات جۇرەبەكوۆ.

ۆيتسە-ءمينيستردىڭ سوزىنە قاراعاندا، گاز قۇبىرىنىڭ، تارماقتارىنىڭ، 5 اۆتوماتتاندىرىلعان گاز تاراتۋ ستانساسىنىڭ، گاز ولشەۋ ستانساسىنىڭ جانە باسقارۋ بەكەتىنىڭ قۇرىلىسى جۇرگىزىلىپ جاتىر.

«تولىقتاي العاندا بارلىق جۇمىس كەستەگە ساي جۇرگىزىلۋدە جانە وسى جىلدىڭ جەلتوقسان ايىندا ماگيسترالدى گاز قۇبىرىن، 5 اۆتوماتتاندىرىلعان گاز تاراتۋ ستانساسىنىڭ، گاز ولشەۋ ستانساسىنىڭ جانە باسقارۋ بەكەتىن قامتيتىن بارلىق نىسانداعى قۇرىلىس جۇمىستارى اياقتالادى. گاز قۇبىرىن پايدالانۋعا قابىلداۋ وسى جىلدىڭ 31- جەلتوقسانىنا جوسپارلانعان. نۇر-سۇلتان قالاسىنا دەيىنگى ماگيسترالدى گاز قۇبىرىنىڭ قۇرىلىسى گاز قۇبىرى تراسساسىنىڭ بويىنداعى 171 ەلدى مەكەندى كەزەڭ-كەزەڭمەن كوگىلدىر وتىنمەن قامتۋعا، ەلوردانىڭ جانە وزگە دە ەلدى مەكەندەردىڭ ەكولوگيالىق جاعدايىن جاقسارتۋعا مۇمكىندىك بەرەدى»، - دەدى ۆيتسە-مينيستر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات