ۇلى دالانىڭ ۇلى ەسىمدەرى: 100 تۇلعا ىرىكتەلىپ الىندى

None
None
الماتى. قازاقپارات - الماتىدا «ۇلى دالانىڭ ۇلى ەسىمدەرى» ءتىزىمى تاعى ءبىر مارتە تالقىلاندى، دەپ حابارلايدى قازاقپارات ءتىلشىسى.

وندا تاريحشىلار «ۇلى دالانىڭ ۇلى ەسىمدەرى» وقۋ- اعارتۋ ەنسيكلوپەديالىق ساياباعىن قۇرۋ جوباسىن جانە «ۇلى دالانىڭ ۇلى ەسىمدەرى» ءتىزىمىن تاعى ءبىر مارتە تالقىلادى. شارا ش. ءۋاليحانوۆ اتىنداعى تاريح جانە ەتنولوگيا ينستيتۋتىندا ءوتتى

حالىقارالىق عىلىمي - تەوريالىق كونفەرەنسياعا كاسىبي تاريحشىلار، قوعام قايراتكەرلەرى، عزي وكىلدەرى، دوكتورانتتار جانە جاس عالىمدار قاتىستى. شارا بارىسىندا تاريح عىلىمدارىنىڭ دوكتورى، پروفەسسور مامبەت قويگەلدى الاش قوزعالىسىنىڭ ۇلت تاعدىرىنداعى ورنى تۋرالى ءسوز قوزعادى.

«الاش قوزعالىسى دۇنيەتانىمدىق تاريحتىڭ وزەگى. ويتكەنى الاش حالىقىمىزدى بەسىگىندە تەربەتىپ، ەسەيىپ ات جالىن تارتىپ مىنگەندە بويىنا كۇش- قۋات جانە سەنىم بەرگەن- ۇلتتىق يدەيا. ءبىز وسى ۋاقىتقا دەيىن ءىرى تۇلعالاردى، الاش قوزعالىسىنىڭ باسشىلارى تۋرالى كوپ ايتىپ كەلەمىز. ال ەندى سول الاش قوزعالىسىنا ۇلكەن كۇش بەرگەن، قولداۋ جاساعان قالىڭ كوپشىلىك بار. سول كوپشىلىكتى ءبىز ءالى تۇگەندەي العان جوقپىز. ولاردىڭ بارلىعى دەرلىك رەپرەسسيا قۇربانى بولدى. ولاردىڭ ءومىر جولدارىنا بايلانىستى قۇجاتتار الىدە جابىق كۇيىندە جاتىر. بۇل ارينە وكىنىشتى جاعداي. وسىنداي كونفەرەنسيالار، ىزدەنىستەر سول تۇلعالاردى جارىققا شىعارۋعا، ءومىرىن حالىققا جەتكىزۋگە اسەرىن تيگىزەدى. بۇل جوبالار تاريحشىلار مەن ەتنولوگتارعا كەڭ داڭعىل جول اشىپ وتىر. ءبىز سوعان جۇمىس جاساپ جاتىرمىز»، - دەيدى تاريح عىلىمدارىنىڭ دوكتورى مامبەت قويگەلدى.

ش. ءۋاليحانوۆ اتىنداعى تاريح جانە ەتنولوگيا ينستيتۋتى ديرەكتورىنىڭ عىلىمي جۇمىستار بويىنشا ورىنباسار مىندەتىن اتقارۋشى بولات قۇدايبەرگەن ۇلى جيىندا «ۇلى دالانىڭ ۇلى ەسىمدەرى» وقۋ- اعارتۋ ەنسيكلوپەديالىق ساياباعىنىڭ تۇجىرىمداماسىنا توقتالدى.

«ۇلى دالانىڭ ۇلى ەسىمدەرى» جوباسىن جۇزەگە اسىرۋ بارىسىندا 100 تۇلعا ىرىكتەلىپ الىندى. ءقازىر ءتورت ساياباق اشۋدى جوسپارلاپ وتىرمىز. بۇگىنگى كۇنى ورنى بەلگىلەندى. وندا تاريحي تۇلعانىڭ ءمۇسىنى ورناتىلادى. سونداي-اق ءۇش تىلدە سول تۇلعا تۋرالى اقپارات جازىلادى (قازاق، ورىس، اعىلشىن)»، - دەدى بولات قۇدايبەرگەن ۇلى.

سونىمەن قارتار، حالىقارالىق عىلىمي كونفەرەنتسيا بارىسىندا «ۇلى دالانىڭ ۇلى ەسىمدەرى» مۋلتيمەديالىق ۆەب- پورتالىنىڭ تۇساۋكەسەرى بولدى.

«بۇل مۋلتيمەديالىق ۆەب- پورتال - اقپاراتتىق جۇيە. مۇندا تاريحي تۇلعالار تۋرالى تولىق ماعلۇماتتى ءۇش تىلدە الۋعا بولادى. وسى ۆەب-پورتالعا كىرۋ ارقىلى كوپشىلىك «ۇلى دالانىڭ ۇلى ەسىمدەرى» جوباسىنا ەنگەن ادامداردىڭ ءومىرى، قازاق حالىقىنا سىڭىرگەن ەڭبەگى، ەرلىگى جايىندا اقپارات الادى. اسىرەسە، ستۋدەنتتەر مەن جاس عالىمدار ءۇشىن مۋلتيمەديالىق ۆەب- پورتالدىڭ پايداسى زور بولماق»، - دەيدى ول.

ايتا كەتەيىك، «ۇلى دالانىڭ ۇلى ەسىمدەرى» جوباسى نۇر-سۇلتان، اقتوبە، پاۆلودار، تۇركىستان قالالارىندا دا تالقىلاندى.

اۆتور: الما مۇقانوۆا

سوڭعى جاڭالىقتار