+7 (701) 759 90 19
-13 °С : نۇر-سۇلتان
0 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ارىس قالاسىندا 100 وتباسى باسپانالى بولدى

13 قاراشا 17:52
:ءبولىسۋ
ارىس قالاسىندا 100 وتباسى باسپانالى بولدى

ارىس. قازاقپارات - تۇركىستان وبلىسى، ارىس قالاسىندا «بالامەكەن» شاعىن اۋدانىنان 100 وتباسى جاڭا باسپاناعا يە بولدى، دەپ حابارلايدى قازاقپارات ءتىلشىسى.

سالتاناتتى شاراعا قاتىسقان تۇركىستان وبلىسى اكىمىنىڭ ورىنباسارى قوسمان ايتمۇحامەتوۆ پەن بولات وتەمۇراتوۆ قورىنىڭ ديرەكتورى مارات ايتماعامبەتوۆ، پەن «ۆەرني كاپيتال» كومپانيالار توبىنىڭ باس ديرەكتورى ەرلان وسپانوۆ جاڭا قونىس يەلەرىنە كىلتتەرىن تابىس ەتتى.

قايىرىمدىلىق قوردىڭ ەسەبىنەن بوي كوتەرىپ، قولدانىسقا بەرىلگەن ۇيلەر ەكى وتباسىنا لايىقتالعان. «دۋپلەكس» ءتيپتى 50 ءۇي تولىق اياقتالعان، ءارى اس ءۇي جيھازى مەن تۇرمىستىق تەحنيكامەن جابدىقتالعان. ءار ءۇيدىڭ اۋلاسىندا 10 سوتتىق جەر تەلىمى بار. قالالىق ينفراقۇرىلىمعا قوسىلعان جاڭا شاعىن اۋداندا تاس جول توسەلىپ، اياق جولدار سالىنعان. بالالاردىڭ ويىن الاڭى ورناتىلىپ، اعاشتار وتىرعىزىلعان. جاڭا ءۇي يەلەرىنىڭ قۋانىشىمەن بولىسكەن وبلىس اكىمىنىڭ ورىنباسارى قوسمان ايتمۇحامەتوۆ بىرنەشە ءۇيدى ارالاپ شىعىپ، جاڭا قونىس يەلەرىن قۇتتىقتادى.


«اپاتتان كەيىن بۇكىل قازاق ەلى ارىس حالقىنىڭ قايعى- مۇڭىن ءبولىسىپ، قول ۇشىن سوزدى. ق ر پرەزيدەنتى قاسىم- جومارت توقايەۆ ارنايى كەلىپ، حالىقپەن بىرگە ەكەنىن كورسەتسە، ق ر پرەمەر- ءمينيسترى ەكى اپتا سايىن كەلىپ، ارىستاعى قۇرىلىس جۇمىستارىن باقىلاۋدى نازاردان تىس قالدىرمادى. اتقارىلعان اۋقىمدى جۇمىستار ەل ەڭسەسىن كوتەرىپ، ەرتەڭگى كۇنگە دەگەن سەنىمدەرىن ارتتىردىارىستا اتقارىلعان اۋقىمدى جۇمىستار ەل ەڭسەسىن كوتەرىپ، ەرتەڭگى كۇنگە دەگەن سەنىمدەرىن ارتتىردى» ، - دەدى تۇركىستان وبلىسى اكىمىنىڭ ورىنباسارى قوسمان قايىرتاي ۇلى.


دەندروباق جانىندا ورنالاسقان جاڭا شاعىن اۋداننىڭ قۇرىلىسىنا قايىرىمدىلىق قورى 850 ميلليون تەڭگە بولگەن. جاڭا باسپانالار ارىستاعى جارىلىستان بۇزىلعان ءۇي يەلەرىنە، كوپبالالى جانە الەۋمەتتىك از قامتىلعان وتباسىلارعا، تۇرعىن ۇيگە مۇقتاج مۇگەدەك جاندار مەن جالعىز باستى انالارعا بەرىلدى.

«بۇكىل قازاقستان ارىستا ورىن العان وقيعاعا كۇيزەلدى، ەلىمىزدىڭ كوپتەگەن ۇيىمدارى مەن ازاماتتارى قالاعا جانە ونىڭ تۇرعىندارىنا قولداۋ كورسەتتى. ءبىز دە قالانى قالپىنا كەلتىرۋگە ءوز ۇلەسىمىزدى قوسۋدى ۇيعاردىق. سوندىقتان ءبىزدىڭ قورىمىزدىڭ قۇرىلتايشىسى باسپاناعا مۇقتاج قازاقستاندىقتار ءۇشىن ۇيلەر تۇرعىزۋعا باعىتتالعان «بالامەكەن» جوباسىن كەڭەيتۋگە جانە جالعاستىرۋعا شەشىم قابىلدادى» ، - دەپ اتاپ ءوتتى بولات وتەمۇراتوۆ قورىنىڭ ديرەكتورى مارات ايتماعامبەتوۆ.


ايتا كەتەيىك، بۇل جوبا تۇركىستان وبلىسى اكىمدىگى مەن بولات وتەمۇراتوۆ قورىمەن سەرىكتەستىكتە «ۆەرني كاپيتال» كومپانيالار توبىنىڭ تابىستى ىنتىماقتاستىعىنىڭ ناتيجەسىندە جۇزەگە اسىپ وتىر.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات