ت م د جاستارى ەلدەر ەكونوميكاسىن دامىتۋ بويىنشا 100 يدەياسىن ۇسىنادى

دۋشانبە. حوۆار- قازاقپارات - باكۋدە 14-15- قاراشا كۇندەرى ت م د- عا مۇشە مەملەكەتتەر جاستار ىستەرى جونىندەگى كەڭەسىنىڭ وتىرىسى وتەدى، دەپ حابارلايدى قازاقپارات «حوۆار» تاجىكستان ۇلتتىق اقپارات اگەنتتىگىنە سىلتەمە جاساپ.

ت م د اتقارۋ كوميتەتىنىڭ مالىمەتىنە سايكەس، وسى كۇندەرى، سونداي-اق «ت م د ءۇشىن 100 يدەيا» حالىقارالىق جاستار جوباسىنىڭ اقتىق كەزەڭى وتەدى. جوبانى باستاۋ ۇسىنىسى 2013-جىلى ت م د- عا مۇشە مەملەكەتتەر جاستار ىستەرى جونىندەگى كەڭەستىڭ وتىرىسىندا جاسالدى. ماقساتى - دوستاستىق ەلدەرىنىڭ جاستارىن عىلىمي-يننوۆاتسيالىق جانە الەۋمەتىك- ەكونوميكالىق سالالارداعى مىندەتتەردى شەشۋگە جۇمىلدىرۋ. 2014-جىلدان باستاپ ىسكە اسىرىلا باستاعان جوبا ەكى جىلدا ءبىر وتكىزىلەدى جانە ەكى كەزەڭنەن تۇرادى: ۇلتتىق (ىرىكتەۋ) جانە حالىقارالىق (فينال). وعان وزدەرىنىڭ اۆتورلىق جوبالارىن ۇسىنعان ت م د ەلدەرىنىڭ 14-35 جاس ارالىعىنداعى جاس ازاماتتارى قاتىسا الادى.

بۇدان بولەك، قاراشا ايىندا ت م د ۇيىمى شەڭبەرىندە ءبىرقاتار ءىس-شارا وتەدى. اتاپ ايتقاندا، 5-6- قاراشادا كيشينيەۆتە (مولدوۆا) – ت م د- عا مۇشە ەلدەردىڭ وسىمدىكتەر كارانتينى بويىنشا ۇيلەستىرۋ كەڭەسىنىڭ وتىرىسى، 7- قاراشادا تاشكەنتتە (وزبەكستان) – ت م د- عا مۇشە ەلدەردىڭ قاۋىپسىزدىك جانە ارنايى قىزمەتتەر باسشىلارى كەڭەسىنىڭ وتىرىسى، 8-9- قاراشادا دۋشانبەدە (تاجىكستان) – ت م د- نىڭ دەنساۋلىق ساقتاۋ سالاسىنداعى ىنتىماقتاستىق جونىندەگى كەڭەسىنىڭ وتىرىسى، 13- قاراشادا شىمكەنتتە (قازاقستان) - ستاندارتتاۋ، مەترولوگيا جانە سەرتيفيكاتتاۋ جونىندەگى حالىقارالىق كەڭەسىنىڭ وتىرىسى، 14-15- قاراشادا باكۋدە (ازەربايجان) – ت م د- عا مۇشە ەلدەر جاستار ىستەرى جونىندەگى كەڭەسىنىڭ وتىرىسى، 14-15- قاراشادا باكۋدە «ت م د ءۇشىن 100 يدەيا» حالىقارالىق جاستار جوباسىنىڭ اقتىق كەزەڭى وتەدى.