+7 (701) 759 90 19
-8 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

الماتىدا دارىگەرلەر التى جاسار بالانىڭ اسقازانىنان 100 تەڭگەلىك مونەتا الدى

18 قازان 21:16
:ءبولىسۋ
الماتىدا دارىگەرلەر التى جاسار بالانىڭ اسقازانىنان 100 تەڭگەلىك مونەتا الدى

الماتى. قازاقپارات - الماتىلىق دارىگەرلەر التى جاسار بالانىڭ اسقازانىنان 100 تەڭگەلىك تيىندى الىپ تاستاپ، جەرجاڭعاققا قاقالىپ قالعان ەكى جاسار بالانىڭ ءومىرىن ساقتاپ قالدى، دەپ حابارلايدى قازاقپارات ءتىلشىسى.

بالالارعا ارنالعان مەديتسينالىق جاردەم ورتالىعىنىڭ حابارلاۋىنشا، مەديتسينالىق مەكەمەگە التى جاستاعى بالانىڭ اناسى كەلىپ، ۇلىنىڭ تيىن جۇتىپ قويعانىن ايتىپ كومەك سۇرعان.

«شۇعىل تۇردە بالانىڭ اسقازانى رەنتگەنگە ءتۇسىرىلدى. رەنتگەن كىشكەنتاي بالانىڭ اسقازانىندا بوتەن زات، ياعني 100 تەڭگەلىك تيىن بار ەكەنىن كورسەتتى. دارىگەرلەر وپەراتسياسىز ەندوسكوپيالىق جولمەن اسقازاننان بوتەن زاتتى شىعاردى. وتا ءساتتى ءوتتى. بۇگىن بالا اۋرۋحانادان شىعارىلدى» - دەدى جەدەل جاردەم ءبولىمىنىڭ باستىعى مەيىرجان قۇرمانالييەۆ.

وسى تەكتەس وقيعا كەلەسى كۇنى دە قايتالاندى.

«ءبىزدىڭ اۋرۋحاناعا ەكى جاسار بالا كەشكى ۋاقىتتا ءتۇستى. اناسىنىڭ ايتۋىنشا، بالاسى جەرجاڭعاق قوسىلعان شوكولاد جەپ وتىرىپ قاقالىپ قالعان. ءبۇلدىرشىنىڭ ءتۇنى بويى مازاسى كەتىپ، ىستىعى كوتەرىلىپ، تىنىسى تارىلعان. ناتيجەسىندە اناسى مەن بالاسى جەدەل جاردەممەن ءبىزدىڭ اۋرۋحاناعا جەتكىزىلدى. بالاعا كەۋدە قۋىسىنىڭ رەنتگەنوگرافياسى، وكپەنىڭ كومپيۋتەرلىك توموگرافياسى، برونحوسكوپيا جاسالدى. وسىدان كەيىن «تىنىس الۋ جولدارىندا بوتەن زات تۇر» دەگەن دياگنوز قويىلدى. تەكسەرۋ بارىسىندا سول جاق وكپەنىڭ دەم المايتىنى انىقتالدى، بۇل وكپەنىڭ ابستسەسسىنە اكەلۋ قاۋپىن ءتوندىردى «، - دەدى دارىگەر.

دارىگەرلەر جوعارىدا اتالعان ءادىستى قولدانا وتىرىپ، كىشكەنتاي ناۋقاسقا ۋاقتىلى كومەك كورسەتتى. قازىر ءسابيدىڭ جاعدايى جاقسى. ونى اۋرۋحانادان شىعارۋعا دايىنداپ جاتىر.

جالپى، جىل باسىنان بەرى شۇعىل كومەك كورسەتۋ ورتالىعىنا ءارتۇرلى زاتتاردى جۇتىپ قويعان 120-عا جۋىق بالا جۇگىنگەن.

اۆتور الما مۇقانوۆا


باستى سوزدەر: دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات