ەلورداداعى 100 جاڭا ەلەكتروبۋس جول اقىسىنا اسەر ەتە مە؟

نۇر-سۇلتان. قازاقپارات - ەلورداعا ساتىپ الىناتىن ەلەكتروبۋستار جول اقىسى تاريفىنە اسەر ەتپەيدى. بۇل تۋرالى «استانا LRT»  ج ش س باسقارما ءتوراعاسى بەكمىرزا يگەنبەردينوۆ ءمالىم ەتتى، دەپ حابارلايدى قازاقپارات ءتىلشىسى.

«كەشە عانا 100 ەلەكتروبۋستى ساتىپ الۋعا قاتىستى شارتتى بەكىتتىك. بۇگىندە ەلوردادا ناقتى 100 گە تارتا اۆتوبۋس جەتىسپەي جاتىر. جىل سايىن ءبىز پاركتى جاڭارتىپ تۇرۋىمىز كەرەك. تۇرعىندار سانى ارتىپ كەلە جاتقانىن ەسكەرۋ كەرەك. سونىمەن قاتار، ەسكىرگەن اۆتوبۋستار دا از ەمەس»، - دەدى ب. يگەنبەردينوۆ باسپا ءسوز ءماسليحاتىندا.

ونىڭ سوزىنە قاراعاندا، بيىلعى جىلدىڭ اياعىنا دەيىن 50 ەلەكتروبۋس جەتكىزىلەدى، ال 2020-جىلدىڭ ءبىرىنشى توقسانىندا قالعان 50 ءى قالاداعى باعدارلارعا قوسىلادى.

«ەلورداداعى بارلىق پاركتەردە 1200 گە تارتا اۆتوبۋس بار جانە ولاردىڭ بارلىعى ديزەل وتىنىمەن جۇرەدى»، - دەپ ناقتىلادى «استانا LRT»  ج ش س باسشىسى.

بۇدان بولەك بەكمىرزا يگەنبەردينوۆ جاڭا ەلەكتروبۋستاردى ساتىپ الۋدىڭ ناتيجەسىندە جول اقىسىنىڭ تاريفتەرى وزگەرمەيتىنىن اتاپ ءوتتى.