تۇركيا ستيپەندياسى باعدارلاماسى بويىنشا قازاقستانعا 100 دەن استام ورىن ءبولىندى
بۇل تۋرالى شەتەلدىك تۇرىكتەر جانە تۋىستاس حالىقتار باسقارماسىنىڭ باسشىسى ابدۋللاح ەرەن حابارلايدى. ونىڭ ايتۋىنشا، تۇرىك ۇكىمەتى شەتەلدىك ستۋدەنتتەردىڭ سانىن رەسپۋبليكانىڭ 100 جىلدىعىنا وراي 200 مىڭعا شىعارىپ، 20 مىڭنان استامىنا گرانت بەرمەكشى. تۇرىك ازاماتتارىنا مەملەكەتتىك جوعارى وقۋ ورىنىندا ءبىلىم الۋ تەگىن. الايدا، ۇكىمەت تاراپىنان بەرىلەتىن شاكىرتاقى بولمايدى. سايكەسىنشە، جوعارى وقۋ ورىندارىنا ءتۇسۋ دە وڭاي ەمەس. تۇلەكتەر اراسىندا قاتاڭ باسەكە جۇرەدى. دەگەنمەن ەلدە شەتەلدىك ستۋدەنتتەردىڭ جەرگىلىكتى حالىققا قاراعاندا ءبىلىم الۋ مۇمكىندىگى مول ءارى جەڭىل. ولارعا ارنالعان ءبىرقاتار گرانت باعدارلامالارى مەن جوعارى وقۋ ورىندارىنىڭ ارنايى باعدارلامالارى بار.
ابدۋللاح ەرەن، شەتەلدىك تۇرىكتەر جانە تۋىستاس حالىقتار باسقارماسى باسشىسى:
- بيىل «تۇركيا ستيپەندياسى» ءۇشىن 150 مىڭنان استام ۇمىتكەر ءوتىنىش جازدى. سولاردىڭ 3 مىڭى گرانت يەگەرى اتانادى. بۇل ءبىر ورىنعا 50 ادام تالاسادى. «تۇركيا ستيپەندياسى» گرانت يەگەرلەرىنىڭ وقۋ، جاتىن ورىن، ايلىق شاكىرتاقى، مەديتسينالىق ساقتاندىرۋ مەن جول شىعىندارىن قامتيدى. مۇنداي باعدارلامالار الەم بويىنشا ساناۋلى عانا.
قازىرگى كەزدە تۇركيادا 2000-نان استام قازاقستاندىق ءبىلىم الۋدا. ستۋدەنتتەردىڭ باسىم بولىگى - ءتۇرلى باعدارلامالاردىڭ گرانت يەگەرلەرى. قازاق ەلىنەن بارعان شاكىرتتەر كوبىنە گۋمانيتارلىق، تەحنيكالىق، جاراتىلىستانۋ جانە ينجەنەريا سالاسىندا ءوز بىلىمدەرىن شىڭداپ ءجۇر. بيىل تۇركيا ۇكىمەتى «تۇركيا ستيپەندياسى» باعدارلاماسى بويىنشا قازاقستانعا 100-دەن استام ورىن ءبولىپتى.
ابدۋللاح ەرەن، شەتەلدىك تۇرىكتەر جانە تۋىستاس حالىقتار باسقارماسى باسشىسى:
- قازاقستاننان بيىل 3500 گە جۋىق ءوتىنىش ءتۇستى. بۇل - بۇل بۇرىنعىعا قاراعاندا جوعارى كورسەتكىش. جىلداعىداي بيىل دا 150 گە جۋىق قازاقستاندىققا ستيپەنديا تاعايىندايمىز. ال قاي ماماندىققا قانشا گرانتتىڭ ءبولىنۋى ەكى ەلدىڭ كەلىسىمىنە سايكەس جۇزەگە اسادى. قاي ماماندىق ەلدە تاپشى بولسا، سوعان ورىندى كوپ بولەمىز. بۇدان بولەك، تۇركيادا ءاربىر جوعارى وقۋ ورنىنىڭ شەتەلدىك ستۋدەنتتەرگە ارنالعان سىناقتارى بار. گرانتقا تۇسە الماعاندار كوبىنەسە وسى جولدى تاڭدايدى.
وسىنداي مۇمكىندىكتى ءمۇلت جىبەرمەي، پايدالانعانداردىڭ ءبىرى - ءاليحان كامي. ەلوردالىق جىگىت تۇرىك ەلىن ەرەكشە ماماندىق ءۇشىن تاڭداپتى. ءاليحاننىڭ ماقساتى - شەتەلدە ءبىلىمىن شىڭداپ، ەلىمىزدىڭ بالامالى ەنەرگيا سالاسىن دامىتۋعا ءوز ۇلەسىن قوسۋ.
ءاليحان كامي، بالامالى ەنەرگەتيكا ينجەنەرى:
- تۇركيا مەملەكەتىنىڭ بالامالى ەنەرگيا سالاسىندا قازاقستانعا قاراعاندا جەتىستىكتەرى مول. سونداي- اق جەرگىلىكتى ۋنيۆەرسيتەتتەردىڭ ءبىلىم ساپاسى وتە جوعارى. مۇنداعى پروفەسسورلار ا ق ش پەن گەرمانيا سەكىلدى ەلدەردە بىلىكتىلىگىن ارتتىرىپ، سونداي- اق جۇمىس ىستەپ، تاجىريبەلى مامان رەتىندە ءبىلىم بەرىپ ءجۇر.
جالپى تۇركيا شەتەلدىك ستۋدەنتتەرگە 1992 -جىلىنان بەرى گرانت بولە باستادى. قازىردە ەلدە 200-دەن استام مەملەكەتتىڭ ازاماتتارى ءبىلىم الىپ ءجۇر. تۇرىك ەلىنىڭ شەتەلدىك ستۋدەنتتەردى وقىتۋداعى ماقساتى - بولاشاقتا وسىندا وقىعان ازاماتتار ءوز ەلى مەن تۇركيا اراسىنداعى ىنتىماقتى نىعايتۋعا كۇش سالادى دەگەن ءۇمىت.
www.24.kz