قازاقستاندىق 100 ستۋدەنت فرانسيادا تەگىن وقۋ مۇمكىندىگىنە يە بولدى
فرانسيانىڭ قازاقستانداعى ەلشىسى فيليپ مارتينەنىڭ ايتۋىنشا، بيىل «اباي- ۆەرن» باعدارلاماسىنىڭ شاكىرتاقىسىنا يە بولۋ ءۇشىن 280 ۇمىتكەر باق سىناعان. «اباي- ۆەرن» شاكىرتاقىسى بيىل ەكىنشى رەت بەرىلمەك. بىلتىر بۇكىل قازاقستاننان 108 ادام عانا باق سىناعان بولاتىن. بيىل 280 ءوتىنىش ءتۇستى. شاكىرتاقى قازاقستاندىق ستۋدەنتتەرگە ماگيستراتۋرا مەن دوكتوراندۋرانى فرانسيادا وقۋعا مۇمكىندىك بەرەدى. ىرىكتەۋدەن وتكەندەردىڭ باسىم بولىگى عىلىمي- تەحنولوگيالىق باعدارلامالار بويىنشا ءبىلىم الادى. دوكتورانتۋرانىڭ 10 شاكىرتاقىسىنا 35 ۇمىتكەر تالاستى. بۇل وتە جاقسى كورسەتكىش. مۇنداي جەڭىلدىككە يە بولۋ ءۇشىن ەڭ اۋەلى قازاقستان ازاماتى بولۋ كەرەك» ، - دەدى ەلشى.
فيليپ مارتينە شاكىرتاقىدان ۇمىتتىلەردىڭ فرانتسۋز ءتىلىن جوعارى دەڭگەيدە ءبىلۋى كەرەكتىگىن ايتادى. دەگەنمەن، كەيبىر ۋنيۆەرسيتەتتەردە اعىلشىن تىلىندە دە ءبىلىم الۋعا بولادى. «ماگيستراتۋرا شاكىرتاقىلارى ءبىر جىلعا بەلگىلەنگەن. ال دوكتارانتۋرا ءۇش جىلعا جالعاسادى. قازىر فرانسيادا 310000 شەتەلدىك ستۋدەنت وقىپ جاتىر. سونىڭ 650 ءى قازاقستاندىق» ، - دەيدى فرانسيا ەلشىسى.