تارازداعى مەشىتكە جايعاسقان 100 دەن استام ارىس تۇرعىنىنا بار جاعداي جاسالعان

None
None
 تاراز. قازاقپارات - ارىستاعى اپاتتان زارداپ شەككەندەردىڭ ءبىرازى تاراق قالاسىنا كەلىپ، وبلىستىق مەشىتكە جايعاستى.

ولارعا جەرگىلىكتى بيلىك تاراپىنان بارلىق جاعدايلار جاسالۋدا، دەپ حابارلايدى قازاقپارات.

ايتا كەتەيىك، تارازعا كەلگەن ارىستىقتاردىڭ سانى - 108. ونىڭ 69 ى ەرەسەك ادامدار، قالعانى بالالار. بارلىعى - 21 وتباسى. ورتالىق مەشىتكە جايعاسقان ولارعا جەرگىلىكتى بيلىك، قالا تۇرعىندارىنىڭ اتسالىسۋىمەن بارلىق قولايلى جاعداي جاساپ وتىر.

بۇل تۋرالى وبلىس اكىمىنىڭ باسپا ءسوز حاتشىسى نۇرادين راقاي Facebook الەۋمەتتىك جەلى پاراقشاسىندا مالىمدەدى.

وبلىستىق مەشىتكە تۇراقتاعان زارداپ شەگۋشىلەرمەن جامبىل وبلىسىنىڭ اكىمى اسقار مىرزاحمەتوۆ جۇزدەسىپ، حال-جاعدايلارىن ءبىلدى. ءوڭىر باسشىسى جارىلىستان دۇرلىككەن ءجۇرتتى سابىرعا شاقىرىپ، بۇل بارشا قازاقستاندىقتار ءۇشىن اۋىر جاعداي بولعانىن جەتكىزدى.

وبلىس اكىمىنىڭ تاپسىرماسىمەن مەشىتكە تۇراقتاعان ارىستىقتارعا قولايلى بولۋى ءۇشىن ءوز الدىنا جاتاقحانا، مونشا ۇيىمداستىرىلۋدا. سونداي-اق، ىستىق تاماق، وزگە دە تۇرمىسقا قاجەتتىلىكتەردىڭ ءبارى قاراستىرىلعان. ءوڭىر باسشىسى ارىستاعى بالالاردى جامبىل وبلىسىنداعى جازعى لاگەرلەردە دەمالدىرۋ ءۇشىن دە قاجەتتى شارالار قابىلداناتىنىن ايتتى. ولارعا مۇندا ارىستاعى جاعداي ءبىر جاقتى بولعانشا قالاعاندارىنشا تۇراقتاۋلارىنا بولادى. قاجەتتى اس- سۋ، مەديتسينالىق كومەك ءبارى-ءبارى تەگىن كورسەتىلەدى.

«سونداي-اق، كەشە تۇندە وڭتۇستىك ءوڭىردى بەتكە العان جولاۋشىلار پويىزدارى وقىس وقيعاعا بايلانىستى تاراز قالاسىنىڭ تەمىرجول بەكەتىندە ۋاقىتشا توقتاپ قالعان بولاتىن. دەگەنمەن، جامبىل وبلىسىنىڭ باسشىلىعى 55 ورىندى «Setra» ماركالى 10 اۆتوبۋس، 18 ورىندى 10 شاعىن اۆتوبۋستى دايىنداپ، دىتتەگەن مەكەنىنە جەتۋگە اسىققان ازاماتتار ءۇشىن بار جاعداي جاسالدى»، - دەدى نۇرادين راقاي.

سوڭعى جاڭالىقتار