19:29, 25 - ماۋسىم 2019 | GMT +6
ارىس تۇرعىندارىن 100 اۆتوبۋس تاسىمالداۋدا
شىمكەنت. قازاقپارات - ارىس تۇرعىندارىن شىمكەنتكە جەتكىزۋ ءۇشىن قالا اكىمدىگى تاراپىنان 100 اۆتوبۋس ءبولىندى، دەپ حابارلايدى قازاقپارات.
بۇعان قوسا، ارىس باعىتىنا كەتىپ بارا جاتىپ، شىمكەنتتە توقتاتىلعان 6 پويىزدىڭ جولاۋشىلارىن تۇركىستان قالاسىنا جەتكىزۋ ءۇشىن 43 اۆتوبۋس باعىتتالدى. 24 -ماۋسىم كۇنى وسى اۆتوبۋستارمەن تۇركىستان قالاسىنا 2500 دەن استام ادام اتتاندى.
ارىس قالاسىنداعى قۇتقارۋ وپەراتسيالارىنا قاتىسۋ ءۇشىن 6506 اسكەري بولىمىنەن 541 سارباز اتتاندىرىلدى.
24 -ماۋسىم كۇنى شىمكەنتتەگى مەكتەپ جانە كوللەدجەردە 15 ەۆاكۋاتسيالىق پۋنكت اشىلىپ، ارىس تۇرعىندارى سوندا ورنالاستىرىلۋدا. ازاماتتار ىستىق تاماق جانە اۋىز سۋمەن قامتاماسىز ەتىلۋدە. ازىق-تۇلىك، كيىم-كەشەك، اياق كيىم، كورپە-توسەك، بالالارعا قاجەت زاتتاردى شىمكەنتتىڭ كوپتەگەن تۇرعىندارى دا جەتكىزۋدە.