08:46, 25 - ماۋسىم 2019 | GMT +6
بۋرابايدىڭ ساۋىقتىرۋ ورتالىقتارى ارىس قالاسىنان 100 بالانى قابىلداۋعا ءازىر
كوكشەتاۋ. قازاقپارات - اقمولا وبلىسىنىڭ اكتيۆى ارىس قالاسىندا بولعان توتەنشە جاعدايعا بايلانىستى جەرگىلىكتى تۇرعىندارعا كومەك كورسەتۋ تۋرالى شەشىم قابىلدادى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.
«ۇلى دالادا قيىن-قىستاۋ كەزدە ادامداردىڭ ءبىر-بىرىنە كومەك قولىن سوزۋ ءداستۇرى بار. ءبىرىنشى كومەك بالالارعا قاتىستى. بۇگىنگى كۇنى شۋچينسك-بۋراباي كۋرورتى اۋماعىنداعى بالالاردىڭ ساۋىقتىرۋ ورتالىعىنىڭ بەسەۋى 100 بالانى قابىلداۋعا ءازىر. قازىرگى كەزدە ارىس قالاسىنىڭ اكىمدىگىمەن كەلىسسوزدەر جۇرگىزىلىپ، ءتىزىمى ناقتىلانۋدا. بۇل باستاماعا بيزنەس-قاۋىمداستىق، مەملەكەتتىك ەمەس ۇيىمدار، جالپى، جەرگىلىكتى قاۋىمداستىق اتسالىسۋعا بەلسەندىلىك تانىتىپ وتىر»، دەيدى اقمولا وبلىسى ىشكى ساياسات باسقارماسىنىڭ باسپا ءسوز قىزمەتى.