الەمدە قارجىسى 100 ميللياردقا جەتەتىن بايلار سانى ۇشەۋ بولدى

None
None
 نۇر-سۇلتان. قازاقپارات - Louis Vuitton Moët Hennessy LVMH كومپانيالار جەلىسىنىڭ پرەزيدەنتى ءھام نەگىزىن قالاۋشىسى، فرانسيالىق ميللياردەر بەرنار ارنونىڭ بايلىعى ارتىپ، الەمدەگى 100 ميلليارد دوللارى بار قالتالىلاردىڭ قاتارىنا قوسىلدى.

ساراپشىلاردىڭ ەسەپتەۋىنشە، ارنونىڭ بايلىعىنا وسى اپتادا 3 ميلليارد دوللار قوسىلىپ، اقشاسى 100,4 ميللياردقا جەتكەن.

سونىمەن الەمدە بايلىعى 100 ميللياردتان اساتىن ادامداردىڭ سانى تاعى بىرەۋگە ارتتى. بۇرىن بۇل مەجەنى Amazon-نىڭ نەگىزىن قالاۋشىسى دجەفف بەزوس پەن Microsoft-ءتىڭ يەسى بيلل گەيتس باعىندىرعان بولاتىن.

©finfocus.toda Bloomberg-ءتىڭ ەسەبىنشە، ارنونىڭ بايلىعى فرانسيا جالپى ىشكى ءونىمىنىڭ 3 پايىزىن قۇرايدى ەكەن.

ايتا كەتەيىك، وسىعان دەيىن Forbes ەكسپەرتتەرى ارنونىڭ بايلىعىن 97,3 ميللياردقا باعالاعان بولاتىن. بۇل جۋرنالداعى ميللياردەرلەر تىزىمىندە ول ءۇشىنشى. ودان جوعارى ورىنداردا بەزوس ($156,2 ميلليارد) جانە گەيتس ($102,4 ميلليارد).

Massaget.kz

سوڭعى جاڭالىقتار