+7 (701) 759 90 19 Лента
19 °С : استانا
23 °С : الماتى
USD 382.38 EUR 428.30
RUB 5.97 CNY 55.39
جاڭالىقتار

قازاقستاندا 100 دەن استام اۋىل جويىلۋ الدىندا تۇر

23 مامىر 18:30 323
:ءبولىسۋ
قازاقستاندا 100 دەن استام اۋىل جويىلۋ الدىندا تۇر

 نۇر- سۇلتان. قازاقپارات - قازاقسانداعى 6,5 مىڭ اۋىلدىڭ 3,5 مىڭىندا حالىق سانى 500 ادامنان از.

بۇل تۋرالى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «اۋىل - ەل بەسىگى» جوباسى تۋرالى ءسوز قوزعاعان ۇلتتىق ەكونوميكا ۆيتسە- ءمينيسترى ەرمەك الپىسوۆ ءمالىم ەتتى، دەپ حابارلايدى قازاقپارات ءتىلشىسى.

«قازاقستاندا 6,5 مىڭ اۋىلدى ەلدى مەكەن بار. ونىڭ ىشىندە 3,5 مىڭ اۋىلدىڭ حالىق سانى 500 ادامنان از. قازىرگى ۋاقىتتا قازاقستاندا حالقى 50 ادامنان تومەن 500 گە تارتا اۋىل بار. ءاربىر سالانىڭ ستاندارتتارى بار. مىسالى، ەگەر بالا سانى 15 تەن تومەن بولسا، ول اۋىلدا باستاۋىش مەكتەپ جابىلادى. سول سەبەپتى، دامىماي وتىرعان اۋىلداردا الەۋمەتتىك نىسانداردى سالۋدىڭ قاجەتى جوق شىعار دەپ ويلايمىن. ول جەرگە 200-300 ميلليون تەڭگە تۇراتىن سۋ جۇيەلەرىن تارتۋعا مۇمكىندىك جوق» ، - دەدى ەرمەك الپىسوۆ.

ۆيتسە- ءمينيستردىڭ ايتۋىنشا، ءاربىر وڭىرلەردە وزىندىك جوسپار- جوبالار بار. نەگىزىنەن ايماقتاردا اۋىلدار باسقا ىرگەلى اۋىلدارعا قوسىلۋ جولىمەن جويىلىپ بارادى.

«كەيبىر حالقى از اۋىلداردىڭ بالالارى باسقا اۋىلداعى مەكتەپكە بارىپ وقيدى. كەي جەرلەردە جاڭادان ينتەرناتتار اشىلىپ جاتىر. بۇل - ءومىر. ءومىردىڭ وزىندىك تالابى دا سونداي. ەگەر دامىمايتىن بولسا، ول اۋىلدار اقىرىنداپ جابىلادى. ءبىراق، ول اۋىلداردى ءبىزدىڭ بارىنشا قولداۋىمىزدىڭ ارقاسىندا، جەرگىلىكتى بيۋدجەت ارقىلى اۋدان ورتالىعىنا نەمەسە اۋىلدىق وكرۋگ ورتالىعىنا كوشىرۋ ماسەلەسى شەشىلۋدە» ، - دەيدى ول.

ەرمەك الپىسوۆ ءوز سوزىندە قازىرگى ۋاقىتتا ەلىمىزدە 100 دەن استام اۋىلدىق ەلدى مەكەننىڭ قۇرۋ قاۋپى بارىن اتاپ ءوتتى.

 «ول جەردە الەۋمەتتىك نىساندار - مەكتەپتەر مەن فەلدشەرلىك پۋنكتتەر جابىلۋى مۇمكىن. كەيبىر جەردە مەكتەپتەر جابىلىپ تا قالدى. ءبىراق، ادامدار ءالى تۇرىپ جاتىر. ول جەرگە جەرگىلىكتى اكىمدىكتەر ارقىلى بالالارعا جاعداي جاسالۋدا. اۋىل اكىمدىكتەرىنە تاسىمالداۋ كولىگىنە قاراجات ءبولۋ قاراستىرىلعان» ، - دەيدى ۆيتسە- مينيستر.

ونىڭ ايتۋىنشا، «اۋىل - ەل بەسىگى» جوباسى شەڭبەرىندە 2019 -جىلى قازاقستاندا 52 اۋدان ورتالىعى جاڭعىرتىلىپ، بۇل جاقىن جىلدارى 700 مىڭ اۋىل تۇرعىنىنىڭ ءومىرىن وزگەرتۋگە مۇمكىندىك بەرەدى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات