+7 (701) 759 90 19 Лента
11 °С : استانا
17 °С : الماتى
USD 383.69 EUR 429.08
RUB 5.97 CNY 55.39
جاڭالىقتار

اتىراۋعا 100 دەن اسا قانداسىمىز ورالدى

24 مامىر 09:33 590
:ءبولىسۋ
اتىراۋعا 100 دەن اسا قانداسىمىز ورالدى

  نۇر -سۇلتان. قازاقپارات -  جىل باسىنان بەرى 100 دەن استام شەتەلدىك قانداسىمىز قازاقستان ازاماتتىعىن قابىلداپ، اتىراۋعا قونىس اۋدارعان.

ولاردىڭ باسىم كوپشىلىگى وزبەكستان مەن قىتاي حالىق رەسپۋبليكاسىنان كەلگەن. كوشى- قون قىزمەتىندەگىلەر ازاماتتىق الۋ ءۇشىن كەمىندە 5 جىل سول ەلدە تۇرۋى ءتيىس نەمەسە ەل ازاماتتارىمەن كەمىندە 3 جىل نەكەدە بولۋى قاجەت ەكەنىن ايتادى. ال جوعارعى وقۋ ورىندارىندا ءبىلىم الاتىن ەتنيكالىق قازاقتار مەن قازاقستاننىڭ اۋماعىندا تۇرىپ جاتقان ورالماندار ازاماتتىقتى جەڭىلدەنگەن تارتىپپەن الا الادى. دەگەنمەن، كەيدە ولارعا ازاماتتىق بەرۋدەن باس تارتاتىن جاعدايلار دا كەزدەسەدى.

«بۇگىنگى تاڭدا ەلىمىزدە مەملەكەت باسشىسىنىڭ تاپسىرماسى بويىنشا ورالمان مارتەبەسىنىڭ مەرزىمى ءوتىپ كەتكەن ەتنيكالىق قازاقتاردىڭ وسى مارتەبەسىن 2019 -جىلدىڭ 31 - جەلتوقسانىنا دەيىن ۇزارتۋ اكسياسى ءوتىپ جاتىر. وسىعان وراي، قازاقستان ازاماتتىعىن جەڭىلدەتىلگەن تارتىپپەن الا الماي جۇرگەن ەتنيكالىق قازاقتاردىڭ ورالمان مارتەبەسىن ۇزارتۋ ءۇشىن اتىراۋ وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا حابارلاسۋلارىن سۇرايمىز» ، - دەيدى اتىراۋ وبلىستىق پد كوشى- قون قىزمەتى باسقارماسىنىڭ اعا ينسپەكتورى جانارگۇل جۇمابايەۆا.

وتكەن جىلى وبلىس بويىنشا 400 گە تارتا ادام ازاماتتىق قابىلداعان. ولاردىڭ 50 گە جۋىعى - وزگە ۇلت وكىلدەرى. «قازاقستان ازاماتى» اتانعانداردىڭ باسىم كوپشىلىگى وزبەكستان رەسپۋبليكاسىنان. تۇركيا، گرۋزيا، ازەربايجان مەن پاليستينا مەملەكەتتەرىنەن كەلگەندەر دە بار. سونداي- اق، بىلتىر 5 ادام شەتەلگە ءبىرجولا قونىس اۋدارعان.

 

ايدانا ديدار


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات