بيىل قازاقستانعا شەت ەلدەردەن 100 مىڭ ءىرى قارا اكەلىنەدى
ەتتى مال باسىنىڭ سانىن ارتتىرۋ جانە ساپاسىن جاقسارتۋ ءۇشىن «ەتتى مال شارۋاشىلىعىن دامىتۋدىڭ 2018-2027 -جىلدارعا ارنالعان باعدارلاماسى» شەڭبەرىندە فەرمەرلىك شارۋاشىلىقتاردى دامىتۋ جانە قارجىلىق قولداۋ جۇزەگە اسىرىلىپ جاتىر. وتباسى فەرمالارى تۇرىندە شاعىن شارۋاشىلىقتاردى قۇرۋ سالالىق باعدارلامانىڭ نەگىزىنە جاتتى، ولار 100 باسقا دەيىن ءى ق م ءوسىرۋ بويىنشا فەرمەرلىك شارۋاشىلىقتاردان، ونەركاسىپتىك مال جەمدەيتىن ورىنداردان جانە زاماناۋي ەت وندىرەتىن كەشەندەردەن تۇراتىن كووپەراتسيا نىسانىندا قۇرىلادى.
«يمپورتتىق ءىرى قارانى ساتىپ الۋ ءۇشىن نەسيە بەرۋگە باعىتتالعان «سىباعا» باعدارلاماسىنا قاتىساتىن فەرمەردىڭ اگرارلىق نەسيە كورپوراتسياسى قاراجاتى ەسەبىنەن ءوزىنىڭ جەكە تولدەيتىن مال باسىن قۇراۋعا، سونداي- اق جوعارى ءونىمدى اسىل تۇقىمدى بۇقالاردى پايدالانىپ، ءتولدىڭ ءونىمدى كورسەتكىشتەرىن جاقسارتۋعا، جەم- ءشوپ، تەحنيكا جانە قۇرال- جابدىقتار ساتىپ الۋعا، جايىلىمدى قورشاۋعا مۇمكىندىگى بار.
بۇگىن فەرمەرلىك شارۋاشىلىقتار جەڭىل شارتتارمەن نەسيە الا الادى - نەسيە مەرزىمى 15 جىلعا دەيىن، سىياقى مولشەرلەمەسى سۋبسيديانى ەسكەرە وتىرىپ %4-دان باستالادى. كەپىلزاتتى قامتاماسىز ەتۋگە قويىلاتىن تالاپتار بارىنشا جەڭىلدەدى - كەپىلزات رەتىندە قولدا بار، ساتىپ الىناتىن مال جانە فەرمەرلەردىڭ وزگە اكتيۆتەرى قابىلدانادى» دەلىنگەن حابارلامادا.
يمپورتتىق مالدى الۋدىڭ ارتىقشىلىقتارى از ەمەس. بۇل، ەڭ الدىمەن - فەرمەرلەردى جوعارى گەنەتيكالىق الەۋەتى بار ءى ق م- مەن قامتاماسىز ەتۋ. يمپورتتىق مالدىڭ ءتولىن وسىرگەندە، قىسقا مەرزىمدە سالماعى 550-600 ك گ جەتەدى، ال جەرگىلىكتى گەنەتيكانى پايدالانعاندا، تەك وسىنىڭ جارتى سالماعىنا عانا قول جەتكىزۋگە بولادى.
2018 -جىلى اگرارلىق نەسيە كورپوراتسياسى وسى باعدارلاما شەڭبەرىندە يمپورتتىق مالدىڭ 30,1 مىڭ باسىن ساتىپ الۋ ءۇشىن 19,1 ميلليارد تەڭگە نەسيە بەردى. سونىڭ ىشىندە ەلىمىزگە 15,2 مىڭ باس ءىرى قارا اكەلىندى جانە تاعى 2,3 مىڭ مال جولدا كەلە جاتىر.
2019 -جىلى «قازاگرو» حولدينگى يمپورتتىق ءى ق م باسىن ساتىپ الۋدى قارجىلاندىرۋ بويىنشا 100 مىڭ باس ينديكاتيۆىن بەلگىلەدى. سونىڭ ىشىندە «اگرارلىق نەسيە كورپوراتسياسى» ا ق ۇلەسى - 65 مىڭ باس. بۇل ماقساتقا 40,6 ميلليارد تەڭگە ءبولىندى.
نەسيە الۋعا نيەت بىلدىرگەن فەرمەرلىك شارۋاشىلىقتار جاقىن ورنالاسقان نەسيە سەرىكتەستىكتەرىنە، «اگرارلىق نەسيە كورپوراتسياسى» ا ق وڭىرلىك فيليالدارىنا، سونداي-اق ورتالىق اپپاراتتىڭ كەڭسەسىنە جۇگىنە الادى.