11:29, 15 - اقپان 2019 | GMT +6
قارا قابىلان 100 جىلدا العاش رەت فوتوتۇزاققا ءتۇستى
استانا. قازاقپارات - ۋيلل بەررار-لۋكاس اتتى فوتوگراف كەنيادا پانتەرانىڭ وتە سيرەك كەزدەسەتىن ءتۇرى - قارا قابىلاندى سۋرەتكە ءتۇسىرىپ الدى، دەپ حابارلايدى BBC باسىلىمى.
«فوتوگراف كىشكەنتاي كەزىنەن بەرى لەوپاردتىڭ وسى ءتۇرىن كورۋدى ارمانداعان. كەيىن كەنيانىڭ لايكيپيا گرافتىعىندا قارا قابىلان بار ەكەنىن بىلگەن سوڭ، سان-ديەگو زووپاركىنىڭ عالىمدارىمەن بىرلەسە وتىرىپ ەكسپەديتسياعا شىققان. بىرنەشە جەرگە كامەرالار ورناتىپ كەتكەن ول كەلگەندە قارا لەوپارد سۋرەتىن كورىپ، قاتتى تاڭعالىپتى»، دەپ جازادى باسىلىم.
ايتا كەتۋ كەرەك، قابىلاننىڭ قارا بولۋى وتە سيرەك كەزدەسەتىن گەنەتيكالىق مۋتاتسياعا جاتادى. ەڭ سوڭعى رەت قارا لەوپارد 1909-جىلى سۋرەتكە تۇسىرىلگەن.
