نۇرسۇلتان نازاربايەۆ: «100 جاڭا ەسىم» جوباسى جالعاسادى

None
None
استانا. قازاقپارات - ق ر پرەزيدەنتى نۇرسۇلتان نازاربايەۆ «100 جاڭا ەسىم» جوباسىنىڭ ارى قاراي جالعاساتىنىن ايتتى، دەپ حابارلايدى قازاقپارات ءتىلشىسى.

«نەگىزى، «100 جاڭا ەسىم» جوباسىن ەكىنشى رەت وتكزىپ وتىرعانىمىز وتە دۇرىس. سوندىقتان ءبىز ونى ارى قاراي جالعاستىراتىن بولامىز. سەبەبى وعان وتكەن ازاماتتار جاستارعا، بارلىعىمىزعا ۇلگى بولىپ وتىر. ومىردە الىنبايتىن قامال جوق. «100 جاڭا ەسىم» جوباسى وسىنىڭ دالەلى»، - دەدى ن. نازاربايەۆ اتالعان جوبانىڭ ەكىنشى كەزەڭى جەڭىمپازدارىمەن كەزدەسۋىندە.

شارا كەزىندە مەملەكەت باسشىسى «100 جاڭا ەسىم» جوباسىنا ەنگەن ءاربىر ادامنىڭ ءومىرى مەن ەڭبەك جولىن كەڭىنەن ناسيحاتتاۋ قاجەتتىگىن دە جەتكىزدى. سەبەبى ولار ءوز ءىسىنىڭ حاس شەبەرى اتاندى، باستاعان ءىستى اياعىنا دەيىن جەتكىزىپ، بيىك بەلەستەردى باعىندىرا ءبىلدى.

«ولار تۋرالى ايتۋ كەرەك. ولاردى كورسەتۋ كەرەك. ءاربىر ادام ول جەكە رومان، ءوز الدىنا بولەك فيلم. جاستاردى وسى تاجىريبەنىڭ نەگىزىندە تاربيەلەۋ كەرەك. مەن ىلعي ايتامىن، ادامنىڭ مۇمكىندىكتەرى شەكسىز، كەز كەلگەن نارسەنى ىستەۋگە بولادى»، - دەپ اتاپ كورسەتتى ن. نازاربايەۆ.

ايتا كەتەيىك، بۇگىن استاناداعى «قازمەديا» ورتالىعىندا ەلباسى نۇرسۇلتان نازاربايەۆتىڭ «قازاقستاننىڭ 100 جاڭا ەسىمى» جوباسىنىڭ ەكىنشى كەزەڭى جەڭىمپازدارىمەن كەزدەسۋى ءوتتى. سول جەردە مەملەكەت باسشىسى تابىسقا جەتۋدىڭ جولىن ايتتى. «ءبىر ديپلومدى پايداعا جاراتا الماساڭ، ءتورت ديپلومنىڭ قاجەتى قانشا؟»، - دەيدى ن. نازاربايەۆ.

سوڭعى جاڭالىقتار