الماتىدا ەڭ قاھارلى قىس وسىدان 100 جىل بۇرىن تىركەلگەن - قازگيدرومەت

 الماتى. قازاقپارات - الماتىدا قاڭتار ايىندا جاۋىن جاۋىپ، سينوپتيكتەر اۋا رايىنىڭ نەلىكتەن بۇلايشا قۇبىلعاندىعىن ءتۇسىندىردى.

بۇل تۋرالى قازاقپارات تىلشىسىنە «قازگيدرومەت» ر م ك- نىڭ الماتى قالالىق بولىمشەسىنىڭ وكىلدەرى ايتتى.

كەشە قالادا كەشكىسىن باستالعان جاۋىن بۇگىن تۇسكە دەيىن جالعاستى.

 سينوپتيكتەردىڭ ايتۋىنشا، قاڭتارداعى جىلىمىق قىس مەزگىلى ءۇشىن توسىن جايت بولعانىمەن، الماتى ءۇشىن اسا تاڭقالارلىق جاعداي ەمەس.

 سوڭعى ۋاقىتتا الماتىنىڭ قاڭتارىندا 0-دەن جوعارى تەمپەراتۋرا ءجيى كەزدەسەدى.

 ەڭ جوعارعى تەمپەراتۋرا 2002 -جىلى 7-قاڭتاردا 18,2 + بولىپ تىركەلگەن ەدى.

 وسىدان 5  جىل بۇرىن 2014 -جىلدىڭ 20-قاڭتارىندا اۋا تەمپەراتۋراسى 12,3 + گرادۋسقا دەيىن كوتەرىلدى. جىل سايىن الماتىدا قاڭتار ايىندا اۋا تەمپەراتۋراسى كەي كۇندەرى 0 گرادۋستان جوعارىنى كورسەتىپ تۇرادى.

 ال ەڭ تومەنگى تەمپەراتۋرا وسىدان 100 جىل بۇرىن 1919 -جىلدىڭ 16-قاڭتارىندا تىركەلدى.

 ول كەزدە الماتىنى  36,5 - گرادۋس اياز قىسقان بولاتىن.

 ايتا كەتۋ كەرەك، الماتىدا 1850 -جىلدان باستاپ مەتەورولوگيالىق زەرتتەۋ جۇمىستارى جۇرگىزىلىپ كەلەدى.

1915 -جىلى ۆەرنىي مەتەوستانساسى سالىنعان سوڭ باقىلاۋلار تۇراقتى جۇرگىزىلە باستادى.

اۆتور: گۇلميرا عوسمانالي