وزبەكستاندا 100 مىڭدىق بانكنوت شىعارىلادى
وزبەكستان رەسپۋبليكاسى ورتالىق بانكىنىڭ مالىمەتىنشە، ولي ءماجىلىسى سەناتى 15 - قاڭتاردا نومينالى 100 مىڭ سۋم بانكنوتتارىنىڭ ۇلگىسى مەن ديزاينىن ماقۇلدادى. الايدا، ونىڭ ءتۇرى، سيپاتتاماسى جانە شىعارىلاتىن كۇنى ازىرگە رەسمي تۇردە جاريالانعان جوق.
سونىمەن بىرگە، ەلدىڭ باس قارجىلىق باسقارۋشى ورگانىنان ءىرى نومينالداعى بۇل بانكنوتانىڭ تۇرعىندار ءۇشىن قولما قول اقشا تولەۋ قولايلىلىعىن ارتتىرۋ، قولما قول اقشانى ساقتاۋ جانە تاسىمالداۋمەن بايلانىستى شىعىندارىن قىسقارتۋ، سونداي- اق بانكوماتتاردىڭ تۇرعىندارعا قىزمەت كورسەتۋ تيىمدىلىگىن ارتتىرۋ، ۇلتتىق ۆاليۋتا بانكنوتتىق قاتارىن وڭتايلاندىرۋ ماقساتىندا ەنگىزىلىپ وتىرعانىن حابارلادى.
ەسكە سالا كەتەيىك، قازىرگى كەزدە وزبەكستاندا ەڭ ءىرى قاعاز اقشا - 50 مىڭ سوم. ول 2017 -جىلى اينالىمعا شىعارىلعان.
اۆتور: ميراس قۋاندىقوۆ