وزبەكستان بيۋدجەتى 100 تريلليون سۋمنان استى

استانا. قازاقپارات - وزبەكستاننىڭ كەلەسى جىلداعى بيۋدجەتتى 100 تريلليون سومنان اسىپ جىعىلدى، دەپ حابارلايدى «حابار 24».

 جوعارعى ءماجىلىس دەپۋتاتتارى 2019 -جىلعا ارنالعان رەسپۋبليكالىق بيۋدجەت تاپشىلىعىن ءج ءى ءو- ءنىڭ 1,1 پايىزىمەن ماقۇلدادى. قازىنانىن كىرىس بولىگى 102,6 تريلليون سوم بولىپ بەكىدى. ال شىعىس 107,1 تريلليون سوم بولماق.

 وسى جىلمەن سالىستىرعاندا قازىنا قورجىنىنىڭ 38 پايىزعا وسكەنى بايقالادى. سەناتورلار سونىمان بىرگە ەلدەگى سالىق زاڭنامالارىنا ەنگىزىلگەن وزگەرىستەر مەن تولىقتىرۋلاردى دا ءبىراۋىزدان قولدادى. ەل قازىناسىنان بولىنەتىن قوماقتى قارجىنىڭ باسىم بولىگى الەۋمەتتىك سالا مەن يننوۆاتسيالىق جوبالاردى قولداۋعا جۇمسالماق. سىرتقا جۇمىس ىزدەپ شىعاتىن ازاماتتاردىڭ دەڭگەيىن تومەندەتىپ، جۇرتتىڭ ءوزىن- ءوزى جۇمىسپەن قامتۋ ماقساتىندا شاعىن نەسيەلەندىرۋگە 350 ميلليارد سۋم قارالىپتى.

 ال جاس كاسىپكەرلەردى قولداپ- قۋاتتاۋ ماقساتىندا جاسالعان «جاستار كەلەشەگىمىز» اتتى باعدارلاماعا قازىنادان 5 ميلليارد سوم تيەسىلى. پەداگوگتار مەن مادەنيەت جانە مۇراعات قىزمەتكەرلەرىنىڭ ايلىق جالاقىسىنا بولىنگەن قارجى دا قوماقتى. ەڭ نەگىزگىسى دەنساۋلىق ساقتاۋ سالاسىنا 12 تريلليون سۋم بولىنبەك.

 دجامشيد كۋچكاروۆ، وزبەكستان رەسپۋبليكاسى پرەمەر- ءمينيسترىنىڭ ورىنباسارى:

 - جاڭا جىلدان قارالاتىن قوماقتى قارجىنىڭ ءبىرقاتار بولىگى يننوۆاتسيالىق دامۋ ماسەلەلەرىنە جۇمسالادى. اتاپ ايتقاندا، مينيستىرلىككە قاراستى يننوۆاتسيالىق دامۋ جانە جاڭاشىلدىقتى قولداپ- قۋاتتاۋ قۇرىلىمداردىڭ جۇمىسىن جانداندىرۋعا 50 ميلليارد سوم ءبولىندى. مادەنيەتكە 740 ميلليارد سوم. سپورت سالاسىنا 476 ميلليارد سوم قارالىپ وتىر.

 بۇدان بولەك ۇن جانە الەۋمەتتىك نان باعاسىنىڭ وسۋىنە بايلانىستى از قامتىلعان جانۇيالارعا ەڭ تومەنگى ايلىق كورسەتكىشتىڭ 10 پايىزى قوسىلادى. 14 جاسقا دەيىنگى بالالارى بار وتباسىلارعا تابىستارى مەن بالالار سانىنا قاراپ 10 پايىزدان 40 پايىزعا دەيىن ۇستەمە قوسۋ قارالدى.

www.24.kz