استانا قالاسى ماڭىنداعى ورمان كولەمى 100 مىڭ گەگتارعا دەيىن كەڭەيتىلەدى

استانا. قازاقپارات - استانا قالاسىندا بەدەلدى حالىقارالىق ساراپشىلار ورمان لاندشافتارىن قالپىنا كەلتىرۋ جانە بونن شاقىرتۋى نەگىزىندە باس قوستى.

كەزدەسۋدىڭ استانادا ءوتۋ سەبەبى، قازاقستان ورمان ەكوجۇيەسىن قالپىنا كەلتىرۋ بويىنشا اۋماقتاردا عانا ەمەس، الەمدە جوعارى كورسەتكىش كورسەتىپ وتىر، دەپ حابارلايدى قازاقپارات ق ر اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساپ.

تۇتاستاي العاندا سوڭعى 10 جىلدا ورمانداردى مولايتۋ كولەمى 500 مىڭ گەكتار اۋماقتا جۇزەگە اسىرىلدى، بۇل رەسپۋبليكانىڭ ورمان جامىلعىسىن %0,2 ارتتىرىپ، رەسپۋبليكا اۋماعىنىڭ %4,7 دەيىن جەتكىزۋگە مۇمكىندىك بەردى.

1997 -جىلدان 2018 -جىلعا دەيىنگى كەزەڭدە استانا ماڭىندا 80 مىڭ گەكتاردان استام اۋماققا اعاش وتىرعىزىلدى. بۇل ورماندى لاندشافتاردى قۇرۋ جانە قالپىنا كەلتىرۋ بويىنشا رەسپۋبليكادا اتقارىلعان جۇمىستىڭ ايقىن دالەلى. 2021 -جىلعا دەيىن استانا قالاسىنىڭ اينالاسىنداعى جاسىل ايماقتى 100 مىڭ گەكتارعا جەتكىزۋ جوسپارلانىپ وتىر.

 

اتالعان كەڭەس حالىقارالىق بونن شاقىرۋ ماسەلەسىنە وراي كاۆكازداعى جانە ورتا ازياداعى ۇلتتىق جانە ايماقتىق كۇشتەردى ارتتىرىپ، 2030 -جىلعا قاراي 350 ميلليون گەگتار استام بۇلىنگەن جەرلەردى قالپىنا كەلتىرۋ بويىنشا ۇيلەستىرۋدىڭ العاشقى مۇمكىندىگىن ۇسىنادى.

كەڭەستى اشقان پرەمەر- ءمينيستردىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆ: «كوپتەگەن ەلدەر جەردى قالپىنا كەلتىرۋدە ەلەۋلى تابىستارعا قول جەتكىزدى. الايدا، قالپىنا كەلتىرۋ شاماسىن ەسكەرە وتىرىپ، ورمان جامىلعىسىن ۇلعايتۋ ءۇشىن ىشكى جانە سىرتقى رەسۋرستاردى جۇمىلدىرۋ وتە ماڭىزدى. وسىلايشا ءومىر ءسۇرۋ جاعدايىن جاقسارتۋعا بولادى»، - دەدى.

 

كاۆكاز جانە ورتا ازيا ايماعىندا ورمان لاندشافتارىن قالپىنا كەلتىرۋ بارلىق جەر تۇرلەرىنە قولايلى اسەر ەتەدى. اتاپ ايتقاندا، ەلدى مەكەندەر مەن تاۋ- كەن ونەركاسىبى كاسىپورىندارىنىڭ جانىنداعى ورمانداردى، ورمان اڭعارلارى مەن جاعالىق ورمانداردى قالپىنا كەلتىرۋگە باسا نازار اۋدارىلۋدا.

دوڭگەلەك ۇستەلگە ازەربايجان، ارمەنيا، گەرمانيا، گرۋزيا، قىرعىز رەسپۋبليكاسى، رەسەي فەدەراتسياسى، تاجىكستان مەن وزبەكستاننىڭ ورمان بولىمشەلەرىنىڭ باسشىلارى، سونداي-اق ب ۇ ۇ ەۋروپالىق ەكونوميكالىق كوميسسياسىنىڭ، تابيعاتتى قورعاۋ حالىقارالىق وداعى، بىرىككەن ۇلتتار ۇيىمىنىڭ ازىق-تۇلىك جانە اۋىلشارۋاشىلىق ۇيىمىنىڭ (ف ا و) وكىلدەرى قاتىستى.