اقتاۋدا 100 گە جۋىق كوپ قاباتتى ءۇي قابىرعالارىنا سۋرەتتەر سالىنادى

None
None
استانا. قازاقپارات - اقتاۋ قالاسىنىڭ 55 جىلدىعىنا وراي، شاھار كەلبەتى كوركەيە تۇسپەك.

اتاپ ايتقاندا، كوپ قاباتتى 97 تۇرعىن ءۇيدىڭ سىرتى بويالىپ، 3D سۋرەتتەر سالىنادى، دەپ حابارلايدى قازاقپارات ءتىلشىسى.

بۇل تۋرالى قالالىق اكىمدىكتە وتكەن جيىندا اقتاۋ قالالىق ساۋلەت جانە قالا قۇرىلىسى ءبولىمىنىڭ ينسپەكتورى مالىمدەدى.

ەرتەگىدەگى كەيىپكەرلەر، انيماتسيالىق فيلم قاھارماندارى، تابيعاتتىڭ اسەم كورىنىسى - وسىنىڭ ءبارى جۋىردا قالاداعى 97 ءۇيدىڭ قابىرعاسىندا بەينەلەنەدى. جوبا اۆتورلارىنىڭ ايتۋىنشا، ەرەكشە سۋرەتتەردى 4 ەلدەن كەلگەن قىلقالام شەبەرلەرى سالادى.

«قازاقستان، قىرعىزستان، ۋكراينا، رەسەي ەلىنەن street-art سۋرەتشىلەر كەلىپ، 10 كۇن بويى سالادى. جۇمىستار شىلدە ايىندا باستالادى. ءار سۋرەتتىڭ 10 جىلعا كەپىلدىگى بار»، - دەيدى اقتاۋ قالالىق ساۋلەت جانە قالا قۇرىلىسى ءبولىمىنىڭ ينسپەكتورى دالەر نۋرۋلايەۆ.

 null

4شاعىن اۋداننان باستاپ «سامال» شاعىن اۋدانىنا دەيىنگى ۇيلەر تاڭداپ الىنعان. سۋرەتتەردىڭ ەسكيزى(جوباسى) سۋرەتشىلەرگە الدىن الا جىبەرىلگەن. ارنايى بوياۋلارى دا الىنعان.

«ماڭعىستاۋ وبلىسىنىڭ تابيعاتى توپىراقتى، ىستىق جەل سوعىپ تۇرادى. باننەرلەر شىدامايدى. ءوڭى كەتەدى نەمەسە قۇرعاپ قالادى. سوندىقتان وسىنداي سۋرەتتەر سالۋ ءتيىمدى دەپ ويلايمىز. باستاما «اقتاۋ سەرپىنى» جوبا اياسىندا ىسكە اسادى»، - دەيدى ول.

بىرەگەي باستاما ءوڭىر قازىناسىنا شىعىن اكەلمەيدى. كاسىپكەرلەر قولداپ، سەرىكتەستىكتەر قاراجات بولەدى. جۇمىس قۇرىلىس كومپانيالارىنىڭ ەسەبىنەن اتقارىلادى. قالاعا قولداۋ كورسەتۋ بويىنشا ءتيىستى حاتتار 40 كومپانياعا جولداندى. قازىرگى كەزدە 24 مەكەمە سىرلاۋ- بوياۋ جۇمىستارىن باستاۋعا دايار.

null

سوڭعى جاڭالىقتار