ەرلان كارين «100 جاڭا وقۋلىقتىڭ» ءتيىمدى تۇستارىن ايتتى
«اشىعىن ايتۋ كەرەك، بۇنداي باستاما ەشبىر ەلدە بولماعان. الەمگە تانىمال شىعارمالار تىكەلەي قازاق تىلىنە اۋدارىلىپ وتىر. بۇل ءبىر جاعىنان قازاقستاننىڭ مۇمكىندىگىن كورسەتسە، ەكىنشى جاعىنان تاۋەلسىزدىك جىلدارى قالىپتاسقان ينتەللەكتۋالدى الەۋەتىمىزدى كورسەتەدى. سەبەبى وسىناۋ جوبانى ىسكە اسىرۋ ءۇشىن كاسىبي ماماندار، جوعارى دايىندىق قاجەت»، - دەدى ە. قارين.
ونىڭ ايتۋىنشا، ۋنيۆەرسيتەت وقىتۋشىلارى مەن ستۋدەنتتەرى تانىمال وقۋلىقتاردى تەگىن وقي الادى. اتالعان شىعارمالار ا ق ش پەن ۇلى بريتانيانىڭ ۋنيۆەرسيتەتتەرىندە كىتاپتاردىڭ ۇزدىك وندىعىنا كىرەدى.
«ماسەلەن، كارەن ارمسترونگتىڭ 1994-جىلى جازىلعان «قۇدايدىڭ تاريحى» اتتى كىتابى الەمنىڭ 30 تىلىنە اۋدارىلىپ، كەبريدج، گارۆارد، وكسفورد جانە تاعى باسقا جەتەكشى جوعارى وقۋ ورىندارىندا كەڭىنەن قولدانىلىپ كەلەدى. ول - ءبىر. ەكىنشىدەن، اتالعان وقۋلىقتاردىڭ باعاسى دا ارزان ەمەس. ۇلى بريتانيادا ءاربىر كىتاپ 30 فۋنتتان جوعارى تۇرادى. شەتەلدە ونداي وقۋلىقتاردى ىزدەپ ءجۇرىپ، ساتىپ الادى. ال ءبىزدىڭ ستۋدەنتتەرىمىز ونىڭ ءبارىن تەگىن وقي الادى»، - دەپ اتاپ كورسەتتى ە. قارين.
ايتا كەتەيىك، بۇگىن نۇرسۇلتان نازاربايەۆقا «قازاق تىلىندەگى 100 جاڭا وقۋلىق» جوباسى اياسىندا اۋدارىلعان العاشقى كىتاپتار تانىستىرىلدى.