+7 (701) 759 90 19
21 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ساتتار ەرۋبايەۆتىڭ 100 جىلدىعىنا وراي رەسپۋبليكالىق جىر ءمۇشايراسى جاريالاندى

27 تامىز 08:51
:ءبولىسۋ
ساتتار ەرۋبايەۆتىڭ 100 جىلدىعىنا وراي رەسپۋبليكالىق جىر ءمۇشايراسى جاريالاندى

استانا. قازاقپارات - تۇركىستان قالاسىنىڭ اكىمشىلىگى اقىن، پۋبليتسيست- جازۋشى ساتتار ەرۋبايەۆتىڭ 100 جىلدىق مەرەيتويىنا وراي، «جالىنداپ وتكەن جاس عۇمىر» اتتى رەسپۋبليكالىق جىر ءمۇشايراسىن وتكىزەدى.

جازبا اقىنداردىڭ رەسپۋبليكالىق جىر ءمۇشايراسى 2014- جىلدىڭ 10- قازانىندا تۇركىستان قالاسىنىڭ حالىقارالىق قازاق-تۇرىك ۋنيۆەرسيتەتىنىڭ مادەنيەت سارايىندا وتەدى. ءمۇشايرانى وتكىزۋدەگى ماقسات - اقىن-جازۋشىنىڭ رۋحىن تەربەتىپ، حالقىنىڭ باقىتى جولىنا ارناعان ءومىرى مەن شىعارماشىلىعىن ناسيحاتتاۋ، ءتىل مادەنيەتىن كوتەرۋ، حالىق اراسىنان شىققان ەرەكشە دارىندى جاستاردى تابۋ بولىپ وتىر.

ءمۇشايراعا 18-35 جاس ارالىعىنداعى اقىندار قاتىسا الادى. ول ءۇشىن جازبا اقىندار بۇرىن ەش جەردە جاريالانباعان ەكى ولەڭىن جىبەرۋى كەرەك. ءمۇشايرا ەرەجەسى بويىنشا ءبىرىنشى ولەڭ س. ەرۋبايەۆقا ارناۋ، ەكىنشىسى تۇركىستان تۋرالى بولۋى شارت. جاس اقىندار ولەڭدەرىن 4A فورماتتى قاعازدا كومپيۋتەردە تەرىپ، 2 دانا ەتىپ ۇيىمداستىرۋشىلارعا ۇسىنادى. شىعارمالار 8 شۋماقتان اسپاۋى كەرەك. ۇمىتكەرلەردىڭ شىعارمالارىن قازىلار القاسى انىقتاپ، جۇلدەگەرلەردى انىقتايدى.

باعالاۋ تالاپتارى بويىنشا جەڭىمپازدار ارنايى قارجىلاي سىيلىقتارمەن ماراپاتتالادى. ءبىرىنشى ورىن (بىرەۋ) ءۇشىن 300 مىڭ تەڭگە، ەكىنشى ورىن (بىرەۋ) ءۇشىن 200 مىڭ تەڭگە، ءۇشىنشى ورىنعا (ەكەۋ) -150 مىڭ تەڭگە كولەمىندە سىيلىق تاعايىندالدى.

ۇمىتكەرلەر شىعارمالارىن 2014- جىلدىڭ 22- قىركۇيەگىنە دەيىن قۇجاتتارىن مىنا مەكەنجايعا جىبەرە الادى: و ق و، تۇركىستان قالاسى، ەسىمحان الاڭى، 1№ قالالىق مادەنيەت جانە تىلدەردى دامىتۋ ءبولىمى، قالالىق مادەنيەت ءۇيى، بايلانىس تەلەفوندارى: 4-21-81, فاكس 4-21-67, tur_madeniet@mail.ru. سونىمەن قاتار مىناداي قۇجاتتارىن تاپسىرۋى تالاپ ەتىلەدى: ءوتىنىشى، شىعارماشىلىق مىنەزدەمەسى، جەكە كۋالىگىنىڭ كوشىرمەسى، 9x14 كولەمىندەگى ءتۇرلى-ءتۇستى فوتوسۋرەتى، شىعارمالارى (2 دانا).

قاسيەتتى تۇركىستان توپىراعىنان سىر شەرتىپ، ارتىنا وشپەس ءىز قالدىرعان، جالىنداپ وتكەن جاس عۇمىر ساتتار ەرۋبايەۆ تۋرالى جىرلاعىڭىز كەلسە، ءمۇشايراعا قاتىسقانىڭىز ابزال. ىرىكتەۋدەن وتكەن شىعارمالار بايقاۋعا قاتىستىرىلىپ، ارنايى كىتاپشاعا ەنگىزىلىپ، باسپادان شىعادى، دەپ حابارلايدى ادەبيەت پورتالى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات