وڭتۇستىك كورەيادا كوروناۆيرۋس جۇقتىرعاندار سانى 1000-عا جۋىقتادى

سەۋل. قازاقپارات - دۇيسەنبى كۇنى وڭتۇستىك كورەيا ۇكىمەتى كوروناۆيرۋس جۇقتىرعاندار سانىنىڭ رەكوردتىق دەڭگەيگە جەتكەنىن جاريالادى. بۇل تۋرالى قازاقپارات ريەنحاپ- قا سىلتەمە جاساپ حابارلايدى.

بۇدان بۇرىن حابارلانعانداي، ىندەتتىڭ وشاعى وڭتۇستىك كورەيالىقتار ءۇشىن جات ءدىني اعىم /سەكتا/ ۇياشىعى ورنالاسقان تەگۋ قالاسىندا . دەنساۋلىق ساقتاۋ وكىلدەرى ۆيرۋستىڭ ەلدە تارالماۋىن توقتاتۋ ءۇشىن بار كۇشىن سالۋدا.

231 ۆيرۋس جۇقتىرۋ جاعدايى تىركەلدى. وڭتۇستىك كورەيادا كوروناۆيرۋس جۇقتىرعانداردىڭ جالپى سانى - 833. بۇعان قوسا، تەگۋ قالاسىنا جاقىن ورنالاسقان چحوندو شتاتىندا اۋرۋحاناعا بارعان 62 جاستاعى ەر ادام كوز جۇمدى. بۇل - ەلدەگى كوروناۆيرۋستان مەرت بولعان جەتىنشى ادام.

دۇيسەنبى تۇرعىندار سانى 2,5 ميلليون جۋىق ادامدى قۇرايتىن تەگۋ قالاسىندا ۆيرۋس جۇقتىرعاندار سانى بىردەن ءوستى - 196-دان 483 ادامعا جەتتى. قالا تۇرعىندارىنا ۇيلەرىنەن شىقپاۋعا كەڭەس بەرىلىپ جاتىر.

اۋرۋدىڭ تارالعان نەگىزگى ەكى وشاعى - ءدىني سەكتا ورنالاسقان تەگۋ قالاسى مەن كورشى چحوندو شتاتى.

بۇل وڭىردەردە ۆيرۋس جۇقتىرعاندار سانى ەلدەگى كوروناۆيرۋسقا شالدىققانداردىڭ ۇشتەن ءبىرىن قۇراپ وتىر. اۋرۋ جۇقتىرعانداردىڭ 60 پروتسەنتى تەگۋدەگى سينچحوندجيدە ورنالاسقان شىركەۋدەگى سيىنۋشىلارمەن، 15 پروتسەنتى - چحوندوداعى داەن اۋرۋحاناسىمەن بايلانىستى.

ۆيرۋس جۇقتىرعان ادامدار سانىنىڭ ارتۋى كورەيا ەكونوميكاسىنىڭ تومەندەۋىنە اكەلىپ سوقتىرىپ جاتىر. پرەزيدەنت مۋن چجە ين شەنەۋنىكتەردى كوروناۆيرۋستىڭ ەكونوميكاعا ىقپالىن جەڭىلدەتۋ ءۇشىن قوسىمشا بيۋدجەتتىڭ قاجەتتىلىگى تۋرالى ماسەلەنى قاراستىرۋدى باستاۋعا شاقىردى.