+7 (701) 759 90 19
0 °С : نۇر-سۇلتان
16 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

قاراعاندى وبلىسىندا ءبىر مەزگىلدە 10000 ليتر قىمىز ءپىسىلىپ، رەكورد ورناتىلدى

15 قىركۇيەك 09:24
:ءبولىسۋ
قاراعاندى وبلىسىندا ءبىر مەزگىلدە  10000 ليتر قىمىز ءپىسىلىپ، رەكورد ورناتىلدى

جاڭاارقا. قازاقپارات - قاراعاندى وبلىسىنىڭ جاڭاارقا اۋدانىندا رەكورد ورناتىلدى. ءبىر مەزگىلدە تۇرعىندار 10000 ليتر قىمىز ءپىستى. بۇل جەتىستىكتى رەسمي تۇردە حالىقارالىق ساراپشىلار تىركەدى، دەپ حابارلايدى «قازاقپارات» ءتىلشىسى.

قاراعاندى وبلىسى جاڭاارقا اۋدانىنىڭ 90 جىلدىق مەرەيتويى جانە ساكەن سەيفۋلليننىڭ 125 جىلدىعى ەرەكشە اۋقىمدا اتالىپ ءوتتى. بۇل كۇن تاريحىمىزدا قالۋ ءۇشىن اۋدان تۇرعىندارى قىمىز ءپىسۋ بويىنشا الەمدىك رەكورد ورناتتى. ءبىر ۋاقىتتا 1000 كۇبىگە قۇيىلعان 10000 ليتر بيە ءسۇتىن ۇلتتىق كيىم كيگەن قىز- كەلىنشەكتەر ءپىسىپ شىقتى.

«بۇگىن جاڭاارقا اۋدانىنىڭ 90 جىلدىعى مەن ساكەن سەيفۋلليننىڭ تۋعانىنا 125 جىل تولۋىنا وراي ۇلكەن شارا وتۋدە. وسىعان بايلانىستى مۇندا رەكورد ورناتىلدى. قازاقستاندا مۇنداي رەكورد العاش رەت تىركەلىپ وتىر. بۇل وتە قيىن. سەبەبى قازىرگى زاماندا كۇبى تابۋ وڭاي ەمەس. ال مۇندا مىڭ كۇبى بولدى. بۇل رەكوردتى بولاشاقتا جاڭارتۋ قيىن بولادى دەپ ويلايمىن» ، - دەدى گيننەستىڭ رەكوردتار كىتابىنىڭ قازاقستانداعى رەسمي وكىلى باقىتجان تاستۇلەكوۆ.

كىتاپتىڭ رەداكتسيالىق القاسى بار. ولارعا بەينە جانە فوتو ماتەريالدار، ەسەپتەۋ ناتيجەلەرى جىبەرىلەدى. القا وسى رەكوردتى قاراستىرىپ بولعان سوڭ ول كىتاپقا ەنگىزىلەدى. گيننەستىڭ رەكوردتار كىتابى ەكى جىلدا ءبىر رەت شىعارىلادى. بيىل ول ءوزىنىڭ 20 جىلدىق مەرەيتويىن اتاپ وتۋدە. وسىعان وراي قاراشا ايىندا كەزەكتەن تىس ءنومىر شىعادى. سول كەزدە جاڭاارقا اۋدانى تۇرعىندارىنىڭ ۇل جەتىستىگىن وقۋعا بولادى. قاراعاندى وبلىسىنا رەكوردتى بەلگىلەۋ ءۇشىن گيننەستىڭ رەكوردتار كىتابىنىڭ رەسمي حالىقارالىق وكىلدەرى كەلدى. شەتەلدىك قوناقتار اتاپ وتكەندەي، الەمدە مۇنداي رەكورد العاش رەت ورناتىلۋدا.



«رەكورد وسى ءىس- شارالارعا قاتىساتىن ادامداردىڭ ەڭ كوپ سانى بويىنشا، قىمىز جانە كۇبى سانى بويىنشا ەسەپتەلەدى. ناتيجەلەر بۇگىن دايىن بولادى. بۇل رەكورد العاش رەت ورناتىلۋدا. ءار ءتۇرلى سەكسيالار وتە كوپ. ءبىراق وسى ىسكە قاتىسۋشى ادامداردىڭ ەڭ كوپ سانى بويىنشا جانە قىمىز كولەمى مەن كۇبى سانى بويىنشا وسى رەكورد ەڭ العاشقىسى» ، - دەپ حابارلادى گيننەستىڭ رەكوردتار كىتابىنىڭ وكىلى يۋدەلكيس دياس (كۋبا) .

شاراعا قاتىسۋ ءۇشىن جاڭاارقا اۋدانىنىڭ 12 اۋىلدىق وكرۋگى جانە 2 كەنتىنەن تۇرعىندار جينالعان. ءبىر ايدان كەيىن بۇل شارا تۋرالى رەسمي سايتتان وقۋعا بولادى. ال بۇگىن سەانس اياقتالعاننان كەيىن ۇيىمداستىرۋشىلارعا رەكورد ورناتىلعانىن كۋالاندىراتىن سەرتيفيكات بەرىلدى.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات