+7 (701) 759 90 19 Лента
-1 °С : استانا
2 °С : الماتى
USD 377.62 EUR 426.03
RUB 5.67 CNY 55.78
جاڭالىقتار

استانانىڭ 1000 مۇعالىمىنە 1 ميلليون تەڭگەدەن بەرىلەدى

12 اقپان 14:53 180
:ءبولىسۋ
استانانىڭ 1000 مۇعالىمىنە 1 ميلليون تەڭگەدەن بەرىلەدى

استانا. قازاقپارات - استانا اكىمدىگى مەكتەپ مۇعالىمدەرىنە 1000 تۇرعىن ءۇي كۋالىگىن بەرۋدى كوزدەيدى.

ءاربىر كۋالىكتىڭ مولشەرى - 1 ميلليون تەڭگە. ونى باسپانانىڭ العاشقى جارناسى رەتىندە پايدالانۋ قاجەت، دەپ حابارلايدى قازاقپارات ءتىلشىسى.

قالالىق ءبىلىم باسقارماسىنىڭ باسشىسى ءانۋار ءجانعوزيننىڭ ايتۋىنشا، وتكەن جىلى ەلوردادا 100 ادامعا تۇرعىن ءۇي كۋالىگى تابىستالدى. ونىڭ ىشىندە 80 گە جۋىعى - مۇعالىمدەر.

«نەگىزى، اتالعان شارانىڭ نەگىزگى ماقساتى دا سول، مۇعالىمدەردى قولداۋ، ولاردىڭ تۇرعىن ءۇي ماسەلەسىن شەشۋ. بيىل استانا اكىمدىگى 2000 عا جۋىق تۇرعىن ءۇي كۋالىگىن تاراتۋدى كوزدەيدى. سونىڭ جارتىسى مۇعالىمدەرگە ارنالعان»، - دەدى ءا. جانعوزين قازاقپارات تىلشىسىنە بەرگەن سۇحباتىندا.

ايتا كەتەيىك، وتكەن جىلدىڭ سوڭىندا قالا اكىمى باقىت سۇلتانوۆ 100 ادامعا تۇرعىن ءۇي كۋالىكتەرىن تابىستاعان بولاتىن. ءاربىر كۋالىكتىڭ مولشەرى - 1 ميلليون تەڭگە. اتالعان اقشانى يپوتەكالىق باسپانانىڭ العاشقى جارناسى رەتىندە قولدانۋ قاجەت. ال پاتەردى ءۇش ايدىڭ ىشىندە تابۋ قاجەت. دەمەك، وسى جىلى ناۋرىزدىڭ اياعىنا دەيىن پاتەر تابىلماسا، اقشانى بيۋجەتكە كەرى قايتارۋعا تۋرا كەلەدى.

«بۇل «7-20-25» باعدارلاماسى ەمەس. دەگەنمەن، بانكتىڭ ىشكى شارتتارى سوعان ۇقساس. سالىمشى العاشقى جارنانىڭ 20 پروتسەنتىن جيناۋى ءتيىس. سودان كەيىن 7 پروتسەنتتىك يپوتەكا 25 جىلعا بەرىلەدى. ءبىراق پاتەردى ءۇش ايدىڭ ىشىندە تاۋىپ، يپوتەكانى راسىمدەپ الۋ قاجەت. ءۇي جاڭا تۇرعىن ۇيدەن الىنۋى شارت. ايتپەسە، اكىمدىكتىڭ اقشاسى بيۋجەتكە كەرى قايتارىلادى. ازىرشە ول اقشا ارنايى ەسەپشوتتا جاتا بەرەدى. بارلىق شارتتار ورىندالعاننان كەيىن ەسەپشوت اشىلادى دا، العاشقى جارنا رەتىندە سالىمشىنىڭ قارجىسىنا قوسىلادى»، - دەيدى «تۇرعىن ءۇي قۇرىلىس جيناق بانكىنىڭ» استانا قالاسىنداعى ورتالىق فيليالىنىڭ ديرەكتورى جانسۇلتان ماتايەۆ.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات