الماتىدا وكپەسى %100 زاقىمدانعان 84 جاستاعى قاريا جازىلىپ شىقتى
دەنساۋلىق ساقتاۋ باسقارماسىنىڭ مالامەتىنشە، ولاردىڭ ءبىرى 84 جاستاعى قاريا، ونىڭ وكپەسى %100 زاقىمدالعان. ناۋقاس اۋرۋحاناعا 19-شىلدە كۇنى كوروناۆيرۋستىق ينفەكتسيا دياگنوزىمەن تۇسكەن. ول قۇرعاق جوتەلگە، جالپى السىزدىككە، تابەتىنىڭ تومەندەۋىنە شاعىمدانعان. دارىگەرلەر ونىڭ ءومىرىن ساقتاپ قالۋ ءۇشىن 16 كۇن كۇرەستى.
«ناۋقاس جانساقتاۋ بولىمىندە 16 كۇن جاتتى. 8 كۇن ينۆازيۆتى ءو ج ج اپپاراتىندا بولدى. جاعدايى قالىپقا كەلگەننەن كەيىن ناۋقاس بولىمشەگە ەمدەلۋگە اۋىستىرىلدى»، - دەيدى فتيزيوپۋلمونولوگيا ورتالىعىنىڭ ديرەكتورى جانار ساپييەۆا.
ەكىنشى ناۋقاس - 78 جاستاعى اجە. ول ەكى جاقتى پوليسەگمەنتتىك پنيەۆمونيا دياگنوزىمەن اۋرۋحانادا ءبىر ايدان استام ۋاقىت ەمدەلدى. ناۋقاستىڭ وكپەسى %85 زاقىمدانعان. ونىڭ ايتۋىنشا، اۋرۋ اياق استى باستالعان، باستاپقىدا جرۆي دەپ ويلاپ، ءۇش كۇن ۇيىندە ەمدەلگەن. جانار ساپيەۆانىڭ ايتۋىنشا، پاتسيەنتتەر بۇگىندە وزدەرىن جاقسى سەزىنەدى، جاعدايلارى قالىپتى، ەمدەلۋشىلەردە كوروناۆيرۋس ينفەكتسياسىنىڭ بەلگىلەرى بايقالمايدى. كەشە ولار ۇيىنە شىعارىلىپ، امبۋلاتوريالىق دەڭگەيدە باقىلاۋعا الىندى.