+7 (701) 759 90 19
17 °С : نۇر-سۇلتان
25 °С : الماتى
USD 397.56 EUR 445.94
RUB 5.82 CNY 55.96
جاڭالىقتار

جاڭا كومەك: 100 مىڭ قازاقستاندىققا 50 مىڭ تەڭگەدەن بەرىلەدى

3 ءساۋىر 11:18
:ءبولىسۋ
جاڭا كومەك: 100 مىڭ قازاقستاندىققا 50 مىڭ تەڭگەدەن بەرىلەدى

نۇر-سۇلتان. قازاقپارات - Birgemiz قورى ەلىمىزدىڭ ەڭ مۇقتاج ازاماتتارىنا 50 مىڭ تەڭگەدەن بولەدى، - دەپ حابارلايدى Tengrinews.kz ءتىلشىسى.

بۇل تۋرالى ەلباسى نۇرسۇلتان نازاربايەۆتىڭ باستاماسىمەن كوروناۆيرۋسپەن كۇرەس جاعدايىندا حالىقتىڭ الەۋمەتتىك ءالسىز توپتارىنا قولداۋ كورسەتۋ ءۇشىن قۇرىلعان Birgemiz قوعامدىق قورىنىڭ قامقورشىلىق كەڭەسىنىڭ وتىرىسى بارىسىندا بەلگىلى بولدى.

قامقورشىلىق كەڭەستىڭ ءتوراعاسى، Nur Otan پارتياسى ءتوراعاسىنىڭ ءبىرىنشى ورىنباسارى باۋىرجان بايبەك اتاپ وتكەندەي، باستاپقىدا قور قاراجاتىن 100 مىڭ مۇقتاج ازاماتقا تاراتۋ جوسپارلانعان. ايتسە دە، بۇگىندە وڭىرلەردەن تۇسكەن وتىنىشتەر سانى ايتارلىقتاي وسكەن، ال پارتيانىڭ ونلاين رەسۋرسىنا كومەك سۇراپ حابارلاسۋشىلار سانى - ەكى ەسەگە ارتقان.

«ەلباسى نۇرسۇلتان نازاربايەۆتىڭ تاپسىرماسى بويىنشا قور قاراجاتى قاراپايىم قازاقستاندىقتارعا اتاۋلى كومەك كورسەتۋگە جۇمسالادى. بۇل بەرىلەتىن كومەكتىڭ ءاربىر جانعا دەربەس بەلگىلەنۋىن قامتاماسىز ەتەدى. مەملەكەت باسشىسى قاسىم- جومارت توقايەۆتىڭ باستاماسىمەن قولعا الىنعان Biz Birgemiz اكتسياسىنىڭ اياسىندا قور حالىقتىڭ الەۋمەتتىك ءالسىز ساناتىنا كىرەتىن مۇقتاج جاندارعا 50 مىڭ تەڭگەدەن اۋدارادى. ءبىرىنشى كەزەڭدە قارجىلىق قولداۋدى 150 مىڭنان اسا مۇقتاج ازامات الادى، ول - 7,6 ميلليارد تەڭگە»، - دەدى باۋىرجان بايبەك.

قور ءتوراعاسى رۋسلان ساكەيەۆتىڭ مالىمەتىنشە، ماتەريالدىق كومەك ەكىنشى دەڭگەيدەگى بانكتەر ارقىلى جەكە تۇلعالاردىڭ كارتوچكالارىنا نەمەسە اعىمداعى ەسەپشوتتارىنا قولما- قول ەمەس اقشالاي تۇردە اۋدارۋ جولىمەن كورسەتىلەدى. قازىرگى ۋاقىتتا ماتەريالدىق كومەكتى اۋدارۋ كەزىندە ودان كوميسسيا الماۋ ماسەلەسى قاراستىرىلۋدا. سونىمەن بىرگە بۇل قاراجاتتىڭ كرەديتتەرى بويىنشا قارىزى بار ازاماتتاردىڭ بەرەشەگىن وتەۋ ءۇشىن ۇستالىپ قالماۋى دا پىسىقتالۋدا.

«ەشقايدا بارۋدىڭ، ەشقانداي ءوتىنىش جازۋدىڭ قاجەتى جوق. تاياۋ كۇندەردە اتالعان قاراجات وڭىرلىك قورلارعا اۋدارىلىپ، ءارى قاراي ول ادامداردىڭ ەسەپشوتتارىنا تۇسەتىن بولادى. بۇل ءۇشىن ءبىز الدىن الا بۇكىل وڭىرلەرمەن ءتيىستى مەموراندۋمدارعا قول قويعانبىز. ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇسىنىمدارىنىڭ نەگىزىندە كومەك قاراجاتتى الۋشىلاردىڭ 7 ساناتى بەكىتىلگەن. اكىمدەر اتالعان ساناتتار بويىنشا كومەك الۋشىلار ءتىزىمىن ۇسىندى.

ولاردىڭ قاتارىندا ا ا ك المايتىن تۇرمىسى تومەن كوپبالالى وتباسىلار، مۇقتاج مۇگەدەكتەر، مۇگەدەك بالانى تاربيەلەپ وتىرعان وتباسىلار، ەڭ تومەنگى زەينەتاقى الىپ جۇرگەن جانە حالىقتىڭ الەۋمەتتىك ءالسىز توبىنا جاتاتىن زەينەتكەرلەر، جەتىم بالالار (تۇل جەتىم بالالار مەن اسىراۋشىسىنىڭ بىرىنەن ايرىلعان بالالار)، ۇلى وتان سوعىسىنا قاتىسۋشىلار مەن سولارعا تەڭەستىرىلگەندەر، تىل ەڭبەككەرلەرى بار. بۇل رەتتە اتالعان ءاربىر ساناتتا مۇقتاج جاندار دا، سونىمەن بىرگە كومەكتى قاجەت ەتپەيتىندەر دە بار ەكەنىن اتاپ وتكەن ءجون. سوندىقتان ءبىز ءتىزىمدى تىكەلەي جەرگىلىكتى جاعدايدى جاقسى بىلەتىن اكىمدىكتەردەن الدىق. اتالعان كومەك وبلىس ورتالىقتارى مەن كوروناۆيرۋس تارالۋ قاۋپى جوعارى ءىرى قالالاردىڭ تۇرعىندارىنا كورسەتىلەدى. وسى جايتتەر ەسكەرىلە وتىرىپ، 23 قالا انىقتالدى»، - دەدى رۋسلان ساكەيەۆ.

ءماجىلىس بارىسىندا قوردىڭ قامقورشىلىق كەڭەسى نۇر-سۇلتان جانە الماتى قالالارىنىڭ ىندەتكە قارسى ءىس- شارالارعا تارتىلعان 2 مىڭداي مەديتسينا قىزمەتكەرىنە ماتەريالدىق قولداۋ كورسەتۋ ءۇشىن 100 ميلليون تەڭگەدەن استام قاراجات ءبولۋ تۋرالى ۇسىنىستى قولدادى. تاياۋ ۋاقىتتا قور باسشىلىعى قوس قالانىڭ اكىمدىكتەرىمەن بىرلەسىپ قاراجاتتى تاراتۋ تەتىكتەرىن تۇجىرىمدايدى جانە 50 مىڭ تەڭگە كولەمىندە ءبىرجولعى تولەم الاتىن مەديتسينا قىزمەتكەرلەرىنىڭ ءتىزىمىن ازىرلەيدى.

جالپى بۇگىنگى كۇنى Birgemiz قوعامدىق قورىنىڭ ەسەپشوتىنا 13,2 ميلليارد تەڭگەدەن استام قاراجات ءتۇستى. كۇنى كەشە قور ۇكىمەتتىك وپەراتور «س ك- فارماتسيا» كومپانياسىمەن 5 ميلليون ماسكا ساتىپ الۋ تۋرالى شارتقا قول قويدى. بۇل ماسكالار نۇر- سۇلتان، الماتى جانە شىمكەنت قالالارى تۇرعىندارىنىڭ الەۋمەتتىك جاعىنان ەڭ ءالسىز توپتارىنا تاراتىلادى. جيناقتالعان قاراجات تۋرالى اقپاراتتى جانە وڭىرلەر بويىنشا بولىنەتىن كومەكتى باقىلاپ وتىرۋ ءۇشىن قور birgemiz2020.kz رەسمي سايتىن اشتى.

ەسكە سالايىق، سوڭعى مالىمەت بويىنشا قازاقستاندا 444 ادام كوروناۆيرۋس جۇقتىردى، 27 ادام ايىقتى جانە 3 ادام قايتىس بولدى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات