الماتى وبلىسىندا 100 مىڭنان اسا ادامعا 42500 تەڭگە تاعايىندالدى

تالدىقورعان. قازاقپارات - ەلىمىزدەگى كوروناۆيرۋس ىندەتىنە وراي توتەنشە جاعدايعا بايلانىستى تابىسىنان ايىرىلعان جاندارعا بەرىلەتىن 42500 تەڭگە الماتى وبلىسى بويىنشا 101,3 مىڭ ادامعا تاعايىندالدى، دەپ حابارلايدى قازاقپارات ءتىلشىسى.

«اۋداندىق جانە قالالىق شتابتار دەمالىسسىز كۇشەيتىلگەن رەجيمدە جۇمىس ىستەۋدە. 42500 تەڭگە كولەمىندە بەرىلەتىن الەۋمەتتىك كومەكتى الۋ ءۇشىن 328 مىڭنان استام ادام ءوتىنىش بەرگەن. قازىرگى تاڭدا اتالعان الەۋمەتتىك كومەك 101,3 مىڭ ادامعا تاعايىندالدى»، - دەدى الماتى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى زايدا ءىلىمجانوۆا.

الماتى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە، ءوتىنىش بەرۋ مەحانيزمى بارىنشا جەڭىلدەگەن. ەشقايدا بارۋدىڭ كەرەگى جوق. ازاماتتاردىڭ وزدەرىنە قولايلى بولۋى ءۇشىن ءوتىنىشتى ءبىر عانا ەلەكتروندى فورماتتا بەرۋگە بولادى.

الماتى وبلىسىنىڭ تۇرعىندارى الەۋمەتتىك تولەمدى الۋ ءۇشىن «ەلەكتروندى ۇكىمەت» ۆەب-پورتالى نەمەسە 42500 Enbek.kz سايتى ارقىلى، سونداي-اق ءاربىر وڭىرگە جاسالعان تەلەگرام بوتىندا مىنا سىلتەمە ارقىلى بەرۋلەرىنە بولادى -https//t.me/ AlmaObl42500Bot.