قازاقستاندا 100 شىلىمقوردىڭ جەتەۋى كۇنىنە 25 دانادان استام تەمەكى شەگەدى

None
None
نۇر-سۇلتان. قازاقپارات - قازاقستاندىق 100 شىلىمقوردىڭ جەتەۋى كۇنىنە 25 دانادان استام تەمەكى شەگەدى.

مۇنداي مالىمەتتى energyprom.kz پورتالى ۇسىندى، دەپ حابارلايدى قازاقپارات ءتىلشىسى.

ۇلتتىق ستاتيستيكا بيۋروسى وسى جىلدىڭ شىلدە ايىندا 5,5 ميلليون ازاماتتىڭ اراسىندا ساۋالناما جۇرگىزگەن.

ساۋالناماعا قاتىسقانداردىڭ ىشىندە 1,1 ميلليوننان استام ادام تەمەكى، ال 190,1 مىڭى كاليان شەگەتىنى انىقتالدى. 26,1 مىڭ ادام كالياندى كۇندەلىكتى، ال 164 مىڭ ادام ارا- تۇرا شەگەدى. ال شىلىمقورلاردىڭ ىشىندە 914,4 مىڭ ادام تەمەكىنى كۇندەلىكتى، ال 190,7 مىڭ ادام اندا- ساندا شەگەتىندىگىن ايتقان. تەمەكى شەگەتىندەردىڭ 851 مىڭى - ەر ادامدار، 254 مىڭى - ايەلدەر. 663,2 مىڭ شىلىمقور قالادا، 441,8 مىڭى اۋىلدا تۇرادى.

ساۋالناما جۇرگىزىلگەن 5,5 ميلليون ادامنىڭ 4,4 ميلليونى قازىرگى ۋاقىتتا تەمەكى شەكپەيتىندىكتەرىن ايتقان. ونىڭ ىشىندە 15,9 مىڭ ادام بۇعان دەيىن كۇندەلىكتى، 318,2 مىڭى ارا- تۇرا شىلىم شەكسە، 3,5 ميلليونى مۇلدەم تەمەكى تارتپاعان. قازاقستاندىق شىلىمقور ءبىر كۇننىڭ ىشىندە 12,8 ميلليون دانا، ونىڭ ىشىندە ەركەكتەر 10,5 ميلليون، ايەلدەر 2,3 ميلليون دانا تەمەگى شەگەدى. كۇندەلىكتى شىلىم شەگەتىن 915 مىڭ رەسپوندەنتتىڭ 378,7 مىڭ كۇنىنە - 15-24، 214,4 مىڭى - 10-14، 168,7 مىڭى - 5-9، 90,1 مىڭ ارى كەتكەندە - 5، ال 63,2 مىڭى 25-تەن كوپ دانا تەمەكى تارتادى.

ايتا كەتەرلىگى، وسى جىلدىڭ قىركۇيەك ايىنىڭ قورىتىندىسىندا تەمەكى ونىمدەرى ءبىر جىلدىڭ ىشىندە 15,9 پايىزعا قىمباتتاعان.

اۆتور: مارلان جيەمباي

سوڭعى جاڭالىقتار