USD 434.48 EUR 492.61
RUB 5.68 CNY 68.44
جاڭالىقتار

الماتىدا 10 مىڭنان استام جاس ءوسپىرىم Pfizer ۆاكسيناسىن الدى

2 جەلتوقسان 12:40
:ءبولىسۋ
الماتىدا 10 مىڭنان استام جاس ءوسپىرىم Pfizer ۆاكسيناسىن الدى

الماتى. قازاقپارات - الماتى قالاسىندا ءبىر تاۋلىكتە 1571 ادام كوروناۆيرۋسقا قارسى ۆاكسينا سالدىردى.

بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى، دەپ حابارلايدى قازاقپارات ءتىلشىسى.

«1-جەلتوقسان كۇنى 1571 الماتىلىق ۆاكسينا سالدىردى. كوروناۆيرۋسقا قارسى ەكپەنىڭ I كومپونەنتىن - 894، II كومپونەنتىن - 677 ادام الدى. ۆاكسينا سالدىرعاندار سانى بويىنشا الماتى قالاسى الدىڭعى ورىندا. بيىلعى جىلدىڭ 1 -اقپانى مەن 1 -جەلتوقسان ارالىعىندا قالادا 1025406 تۇرعىن ۆاكسينانىڭ ءبىرىنشى كومپونەنتىن، 981458 ادام ەكىنشى كومپونەنتىن سالدىرعان. ونىڭ ىشىندە 122304 ادامنىڭ جاسى 60 تان اسقان»، - دەپ حابارلادى باسقارمادان.

بۇگىنگى تاڭدا Pfizer ەكپەسىن 14568 ادام سالدىردى. ونىڭ ىشىندە 880 جۇكتى ايەل، 3036 بالا ەمىزەتىن انا جانە 10652 جاس ءوسپىرىم بار. قالادا 132 پۋنكت جۇمىس ىستەپ تۇر. 756 ادامنان تۇراتىن 201 ەگۋ بريگاداسى بار.

«قازىر مەديتسينا ۇيىمدارىندا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ س و س و- دا ۆاكسيناتسيا پۋنكتى جۇمىس ىستەيدى»، - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات