+7 (701) 759 90 19
1 °С : نۇر-سۇلتان
8 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

قازاقستاندا قالادا تۇراتىن حالىق سانى 10,89 ميلليونعا جەتتى

20 اقپان 17:53
:ءبولىسۋ
قازاقستاندا قالادا تۇراتىن حالىق سانى 10,89 ميلليونعا جەتتى

نۇر-سۇلتان. قازاقپارات - قالا تۇرعىندارىنىڭ سانى ءبىر جىلدا %1,8 عا، اۋىل حالقى - %0,5 عا ارتقان، دەپ حابارلايدى قازاقپارات Finprom.kz سايتىنا سىلتەمە جاساپ.

جالپى العاندا قازاقستاندىقتاردىڭ سانى ءبىر جىل بۇرىنعىدان %1,3 عا كوپ. ونىڭ ىشىندەگى قالا تۇرعىندارىنىڭ ۇلەسى - %58,5.

بيىلعى 1- قاڭتارداعى كورسەتكىش بويىنشا ەلدە 18,63 ميلليون قازاقستاندىق تۇرادى، بۇل وتكەن جىلدىڭ باسىنداعى سانمەن سالىستىرعاندا %1,3 نەمەسە 236,6 مىڭ ادامعا كوپ.

ءبىر قىزىعى، بۇل جاعدايدا تابيعي ءوسىم 269,6 مىڭ ادامدى قۇراعان، ءبىراق قازاقستان كوشى-قون ناتيجەسىندە 33 مىڭ تۇرعىندى «جوعالتتى».

تۇرعىندار سانىنىڭ ەڭ كوپ ءوسىمى نۇر-سۇلتان (%5,3+) جانە الماتىدا (%3,3+) بايقالعان. حالىق سانىنىڭ تومەندەۋى التى ايماقتا، ونىڭ ىشىندە سولتۇستىك قازاقستان (%1−)، شىعىس قازاقستان (%0,6−)، قوستاناي (%0,5−)، اقمولا (%0,3−)، پاۆلودار (%0, 2−) جانە قاراعاندى (%0,1−) وبلىستارىندا تىركەلگەن.

قالا حالقىنىڭ سانى اۋىل تۇرعىندارىنا قاراعاندا تەز وسەدى دەپ كۇتىلۋدە. جىلدىڭ باسىندا قازاقستان قالالارىندا 10,89 ميلليون ادام تۇرعان، بۇل وتكەن جىلدىڭ باسىمەن سالىستىرعاندا %1,8 عا ارتىق.

قالا حالقىنىڭ ۇلەسى - %58,5، ءبىر جىل بۇرىن %58,2 بولعان.

قالا تۇرعىندارىنىڭ سانىنىڭ تومەندەۋى تەك ءۇش وبلىستا، اتاپ ايتساق الماتى (%1,3−) ، پاۆلودار (%0,2-) جانە اقمولا (%0,05−) وبلىستارىندا بايقالدى.

اۋىل حالقى 0,5 پايىزعا ارتىپ، سانى 7,74 ميلليون ادامعا جەتتى. بۇل - قازاقستان رەسپۋبليكاسى حالقىنىڭ 41,5 پايىزى.

اۋىل تۇرعىندارى سانىنىڭ قىسقارۋى ەلدىڭ سەگىز ايماعىندا بايقالدى.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات