اعىلشىن تىلىندەگى ءپان وقۋشىلارعا تەك 10-11- سىنىپتا وقىتىلادى
بۇل تۋرالى ۇكىمەتتىڭ باسپا ءسوز ورتالىعىندا ءبىلىم جانە عىلىم ءمينيسترى كۇلاش ءشامشيدينوۆا ءمالىم ەتتى، دەپ حابارلايدى قازاقپارات ءتىلشىسى.
«ۇشتىلدىلىككە بايلانىستى: ەڭ ءبىرىنشى ماسەلە - قازاق ءتىلىن وقىتۋ ماسەلەسى. ەكىنشى ورىس ءتىلى، اعىلشىن ءتىلى ماسەلەلەرى. ياعني تىلدەردى وقىتۋ بۇل دەڭگەيگە بايلانىستى ءتورت داعدىنى دامىتۋعا باعىتتالادى. ولار - تىڭداۋ، ايتۋ، سويلەۋ جانە جازۋ داعدىلارى. سوندىقتان اعىلشىن تىلىندە بالالارعا ءپاندى بەرۋ تەك 10 جانە 11 - سىنىپتا، بالانىڭ تىلدىك قابىلەتى جەتكىلىكتى بولعان جاعدايدا جانە مەكتەپ دايىن بولعان جاعدايدا، مەكتەپتىڭ شەشىمىمەن عانا جۇرەتىن بولادى. قازىرگى تاڭدا 153 مەكتەپتە ۇيىمداستىرىلعان اعىلشىن تىلىندە وقىتۋعا ءبىز مونيتورينگ وتكىزىپ وتىرمىز. وسى مونيتورينگتىڭ ناتيجەسىندە دامىتۋعا بولاتىن سۇراقتار جانە وسى نارسەنى دامىتۋعا كەدەرگى كەلتىرەتىن ماسەلەلەر انىقتالىپ، بولاشاقتا مەكتەپتەرگە كومەك رەتىندە بەرىلەتىن بولادى»، - دەيدى مينيستر.
ەسكە سالا كەتسەك، كۇلاش ءشامشيدينوۆا مەكتەپتە ءتورت ءپاندى اعىلشىن تىلىندە وقىتۋ ماسەلەسىن بۇعان دەيىن دە تۇسىندىرگەن بولاتىن.
«بۇگىندە بارلىق ادامداردى ويلاندىرىپ جۇرگەن ماڭىزدى ءبىر ماسەلە ول - حيميا، فيزيكا، ينفورماتيكا مەن بيولوگيا پاندەرىن جوعارى سىنىپتى اعىلشىن تىلىندە وقىتۋ. وسىعان بايلانىستى قازىر اعىلشىنشا ساباق بەرۋگە اسىقپاي كوشۋ تۋرالى شەشىم قابىلدانىپ وتىر. رەسپۋبليكا بويىنشا 150-دەن ارتىق مەكتەپ ول باعدارلاماعا كوشكەن. ءبىز قازىر بۇلاردى زەردەلەپ، قاراپ وتىرمىز. وقۋشىلار نەدەن قينالىپ وتىر؟ ۇستازدار قانداي قيىندىق كورىپ جاتىر؟ ءبىز ولارعا قالاي كومەكتەسەمىز؟ سونى جان- جاقتى زەردەلەپ جاتىرمىز. سوندىقتان ۇستاز بەن مەكتەپ دايىن بولعان كەزدە، وزدەرىڭىزبەن كەلىسە وتىرىپ، بىرتىندەپ اعىلشىن تىلىندە وقىتۋدى ەنگىزە باستايمىز. اسىقپايمىز، ەشكىم قۋىپ كەلە جاتقان جوق»، - دەگەن ەدى ك. ءشامشيدينوۆا بۇگىن استاناداعى كوپ بالالى انالارمەن بولعان كەزدەسۋدە.
اۆتور: ايان بەكەن ۇلى