دەمالۋعا ارنالعان كوۆيدتەن ەڭ قاۋىپسىز 10 جانە ەڭ قاۋىپتى 10 باعىت اتالدى

نۇر-سۇلتان. قازاقپارات - Express گازەتى ۇلى بريتانيالىق تۋريستەر ءۇشىن كوروناۆيرۋستى جۇقتىرۋ قاۋپى تۇرعىسىنان دەمالۋعا ەڭ قاۋىپتى جانە قاۋىپسىز ەلدەردىڭ رەيتينگىن ۇسىندى.

بريتانيالىق جانە قازاقستاندىق تۋريستەر ءۇشىن اشىق جانە جابىق ەلدەردىڭ ءتىزىمى تولىعىمەن سايكەس كەلمەسە دە، بۇل قاۋىپسىزدىك رەيتينگى ءبىزدىڭ ساياحاتشىلار ءۇشىن دە پايدالى بولۋى مۇمكىن.

سونىمەن، ەڭ از قاۋىپتى باعىتتار:

گونكونگ - «ەڭ قاۋىپسىز» شاعىن مەملەكەت: 20-قىركۇيەكتەگى جاعداي بويىنشا ميلليون ادامعا شاققاندا 0,36 جاڭا جاعداي بار. سونداي-اق، ەلدە ازاماتتاردىڭ جارتىسىنان كوبى ۆاكسينا سالدىردى، ەل تۇرعىندارىنىڭ 52,86 پايىزى ەكى ينەكسيا الدى.

جاڭا زەلانديا - مۇندا اۋرۋدىڭ كۇندەلىكتى دەڭگەيى ەلدىڭ ميلليون تۇرعىنىنا شاققاندا 3,79 جاعدايدى قۇرايدى. ۆاكسينالاۋ دەڭگەيى ءالى «تومەن»: ەل حالقىنىڭ تەك 33,83 پايىزى ەكى ينەكسيا الدى. ەڭ باستىسى، ەل تۋريستەردى قابىلاداۋعا ءالى اسىقپايدى.

مىسىر كوروناۆيرۋس بويىنشا «ەڭ قاۋىپسىز» ەلدەر رەيتينگىندە ءۇشىنشى ورىندا تۇر. ەلدە كۇن سايىن ميلليون ادامعا شاققاندا كوروناۆيرۋستىڭ 5,70 جاعدايى تىركەلەدى. «مىسىردا ۆاكسينانى ەنگىزۋ الەمدەگى ەڭ جۇقپالى ەلدەردەن ەداۋىر ارتتا قالدى»، - دەپ ەسكەرتەدى گازەت.

ءارى قاراي ءتىزىمدى يندونەزيا، پولشا، ءۇندىستان، موناكو، جاپونيا، ۆەنگريا جالعاستىرىپ، وندىقتى ءباا تۇيىندەيدى.

ەڭ جۇقپالى 10 ەلگە كەلەتىن بولساق، ميلليون ادامعا شاققاندا كۇندەلىكتى جاڭا جاعدايلاردىڭ سانىنا نەگىزدەلگەن رەيتينگ رەسمي تۇردە اشىلماسا دا، تىزىمدە قازاقستاندىق تۋريستەرگە رۇقسات ەتىلگەن ەلدەر بار.

سونىمەن، قاۋىپتى ەلدەردىڭ تىزىمىندە چەرنوگوريا، يزرايل، كۋبا، سەنت- ليۋسيا، سلوۆەنيا، انتيگۋا جانە باربۋدا، ا ق ش جانە ليتۆا، ەستونيا مەن تۋرتسيا بار.