+7 (701) 759 90 19
-3 °С : نۇر-سۇلتان
0 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

قايىڭدى كولى 10 جىلدا 10 مەترگە تومەندەدى - مامان

17 تامىز 13:27
:ءبولىسۋ
قايىڭدى كولى 10 جىلدا 10 مەترگە تومەندەدى - مامان

تالدىقورعان. قازاقپارات - بىلتىر عانا 40 مىڭنان اسا تۋريست ارنايى بارىپ، تاماشالاعان الماتى وبلىسىنداعى قايىڭدى كولى جوعالۋدىڭ الدىندا تۇر.

سۇلۋ تابيعاتتى كوزدىڭ قاراشىعىنداي ساقتاپ جۇرگەن پارك قىزمەتكەرلەرى وسىلاي دابىل قاعۋدا، دەپ حابارلايدى قازاقپارات ءتىلشىسى.

مامانداردىڭ ايتۋىنشا، قايىڭدى كولى 10 جىلدىڭ ىشىندە 10 مەترگە تومەندەپ كەتكەن. جەتىسۋدىڭ جاۋھارىن ساقتاپ قالۋ ءۇشىن پلوتينا سالۋ قاجەت. «كولساي كولدەرى» مەملەكەتتىك ۇلتتىق تابيعي پاركىنىڭ قىزمەتكەرلەرى بۇل ماسەلەنى كوتەرىپ، تالاي مارتە ۇكىمەتكە حات جولداعاندارىن ايتادى. ءبىراق ەش ناتيجە جوق. ال الماتى وبلىسىنداعى ءدال وسى قايىڭدى كولىنىڭ ەرەكشە اسەمدىگىن تاماشالاۋ ءۇشىن تۋريستەر الىس- جاقىن شەتەلدەردەن دە ارنايى كەلۋدە.

«بۇل جەردە دەمالۋشىلار ءۇشىن ەشقانداي جاعداي جاسالماعانىنا قاراماستان بىلتىر 40 مىڭنان اسا تۋريست كەلسە، بيىل ولاردىڭ سانى ەكى ەسەگە ءوستى»، دەيدى پارك قىزمەتكەرلەرى.

«قايىڭدى كولى 2010 -جىلدان بەرى 9 جىلدىڭ ىشىندە 10 مەترگە دەيىن تومەندەپ بارا جاتىر. 2011 -جىلدان باستاپ مەملەكەتكە، ۇكىمەتكە، پارلامەنتكە تالاي مارتە حات جولداعانبىز. ەگەردە قايىڭدى كولىنە شۇعىل شارا قولدانىپ، توسپا سالىنبايتىن بولسا، قايىڭدى كولىنەن ءبىراز جىلداردان كەيىن اجىراپ قالۋىمىز مۇمكىن. وندا تابيعاتتىڭ تاعى ءبىر كورىكتى جەرىنەن اجىراپ قالۋىمىز مۇمكىن»، - دەدى «كولساي كولدەرى» مەملەكەتتىك ۇلتتىق تابيعي پاركى تۋريزم ءبولىمىنىڭ باستىعى حاميت احمەتوۆ.

اۆتور: سامال قابىشيەۆا


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات