وكپە قابىنۋىنان كوز جۇمعاندار سانى 1,9 ەسە ارتتى - اجار عينيات
«وكپە قابىنۋىمەن اۋىرعان ادامداردىڭ سانىن جاسىرىپ وتىرعان جوقپىز. ول ەلەكتروندى جۇيەدە تۇر. 1-قاڭتاردان 2-تامىزعا دەيىن اۋىرعانداردىڭ سانى 3,3 ەسە ءوستى. ال قايتىس بولعان ادامداردىڭ سانى 1,9 ەسە ارتىپ وتىر»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
وسى رەتتە اجار عينيات وكپە قابىنۋىنان قازا تاپقانداردىڭ نەلىكتەن ستاتيستيكاعا قوسىلماعاندىعىن ءتۇسىندىرىپ ءوتتى.
«ويتكەنى، 1-تامىزعا دەيىن وكپە قابىنۋى بۇكىل دۇنيەجۇزى قولداناتىن اۋرۋلاردىڭ حالىقارالىق جىكتەمەسىنە ساي پنيەۆمونيا اۋرۋى رەتىندە جىكتەلگەن. ءسويتىپ ەلەكتروندى جۇيەگە ءتۇسىپ كەتتى. ءاربىر دارىگەر ءوزى ەمدەگەن ناۋقاسىن جىكتەپ، جۇيەگە سالىپ وتىرادى. ال قازىر دارىگەرلەر كوپتەگەن اۋرۋدى ەمدەپ، ەندى-ەندى ءال جيناپ جاتىر دەسەم، وتىرىك ەمەس»، - دەدى ۆيتسە- مينيستر.
ونىڭ دەرەگىنشە، 2019 -جىلدىڭ 1-قاڭتارى مەن 2-تامىز ارالىعىندا ەلىمىزدە وكپە قابىنۋىنان 2033 ادام قايتىس بولعان. ال وسى جىلدىڭ ءدال وسىنداي كەزەڭ ىشىندە 4042 ادام ومىردەن وزعان.