اتىراۋ وبلىسىندا بيىل قاۋىپتى ا ي ت ۆ ينفەكسياسىن جۇقتىرۋ 1,8 ەسە وسكەن

None
اتىراۋ. قازاقپارات - اتىراۋ وبلىسىندا بيىلعى 10 ايدا ا ي ت ۆ ينفەكسياسىن جۇقتىرۋ كورسەتكىشى 1,8 ەسەگە وسكەن.

قاۋىپتى ينفەكسيانى جۇقتىرعاندار اراسىندا 5 شەتەلدىك، 56 قازاقستاندىق بار، دەپ حابارلايدى قازاقپارات ءتىلشىسى.

وبلىستىق ج ي ت س- پەن كۇرەس جانە الدىن الۋ ورتالىعى ديرەكتورىنىڭ ورىنباسارى گۇلنار وماروۆانىڭ مالىمەتىنشە، جىل باسىنان بەرگى 10-ايدا ا ي ت ۆ ينفەكسياسىن جۇقتىرعاندار سانى 61 گە جەتكەن.

«بىلتىرعى 10 ايدا اتالعان ينفەكسيانى 36 ادام جۇقتىرعان ەدى. ال، بيىل ا ي ت ۆ ينفەكسياسىنا شالدىققاندار اراسىندا 5 شەتەلدىك پەن ەلىمىزدىڭ 56 ازاماتى بار. وتكەن جىلدىڭ وسى كەزەڭىمەن سالىستىرعاندا، جۇقتىرۋ كورسەتكىشى 1,8 ەسەگە ءوسىپ وتىر. جۇقتىرۋشىلاردىڭ باسىم بولىگى - ەر ادامدار»، - دەيدى گۇلنار وماروۆا.

ونىڭ ايتۋىنشا، ا ي ت ۆ ينفەكسياسىمەن تىركەلگەندەر سانىنىڭ ارتۋىنا تۇرعىنداردى تەستىلەۋ كورسەتكىشىنىڭ 10 پايىزعا وسكەنى سەبەپ بولعان.

«ماسەلەن، كلينيكالىق كورسەتكىشكە سايكەس تەكسەرىلگەندەر سانى 36 پايىزعا ارتتى. تۇرعىنداردىڭ تاۋەكەل توپقا جاتاتىنداردىڭ اراسىندا ا ي ت ۆ جۇقپاسى بويىنشا ءتۇسىندىرۋ، الدىن الۋ جۇمىستارىنىڭ جيىلەۋى ناتيجەسىندە تەستىلەۋدەن وتۋگە جىبەرىلگەن ادامداردىڭ دا سانى كوبەيدى»، - دەپ ءمالىم ەتتى گۇلنار وماروۆا.

وڭىرلىك ورتالىق دارىگەرلەرىنىڭ ايتۋىنشا، اتىراۋ وبلىسىندا ەڭ العاش رەت ا ي ت ۆ ينفەكسياسى 1993 -جىلى تىركەلگەن. بۇل ينفەكسيانىڭ تارالۋىنىڭ ءۇش جولى انىقتالىپ وتىر. بۇل - جىنىستىق، ينەكسيالىق جانە اناسىنان بالاعا جۇعۋ. قازىر جىنىستىق جولمەن تارالۋ جاعدايى كوبەيگەن.

ەسكە سالا كەتەلىك، بۇعان دەيىن اتىراۋ وبلىسىندا ءبىر جىلدا 47 ادام ا ي ت ۆ ينفەكسياسىن جۇقتىرعانىن حابارلاعان بولاتىنبىز.

سوڭعى جاڭالىقتار