بلۋمبەرگ 1,8 ميلليارد دوللارىن جاعدايى تومەن ستۋدەنتتەرگە ءبولدى
«بۇل قادام قارجىلىق جاعدايى تومەن دارىندى جاستاردىڭ جوعارى وقۋ ورنىنا قابىلدانۋىن كوزدەيدى»، - دەپ ءمالىم ەتتى بلۋمبەرگتىڭ ءوزى جەكسەنبى كۇنى The New York Times گازەتىندە جارىق كورگەن ماقالاسىندا.
«تەك ءبىرلى- جارىمى بولماسا، بارلىق كوللەدجدە تالاپكەر قۇجاتىن ول تۇسكەن جاعدايدا وقۋ اقىسىن تولەي الا ما، سوعان قارايدى. ولار تابىسى جوعارىلارعا ورىن ساقتاۋ ءۇشىن الەۋمەتتىك جاعدايى تومەن وتباسىنان شىققان تالانتتى ۇمىتكەرلەردەن ۇدايى باس تارتىپ وتىرادى»، - دەپ ءتۇسىندىردى 1964 -جىلى دجونس حوپكينس اتىنداعى ۋنيۆەرسيتەتتى (عىلىم باكالاۆرى) ءتامامداعان ميللياردەر.
76 جاستاعى مايكل بلۋمبەرگ 2002- 2013 -جىلدار ارالىعىندا نيۋ- يورك مەرى لاۋازىمىندا بولدى. سونداي- اق ول وسى اتتاس قارجىلىق جاڭالىقتار اگەنتتىگىنىڭ نەگىزىن قالاعان.
ەسكە سالا كەتسەك، 2017 -جىلدىڭ سوڭىندا بلۋمبەرگ 50 ميلليون دوللارىن بالامالى ەنەرگيا كوزىنە اۋىسۋ باعدارلاماسىن جۇزەگە اسىرۋعا بولگەن.
نيۋ- يورك ەكس- مەرى امەريكاداعى ەڭ باي ادامداردىڭ ءبىرى. 2018 -جىلعى قاڭتاردا Forbes جۋرنالى ونىڭ بايلىعىن 50,8 ميلليارد دوللارعا باعالادى.