ەلورداداعى 1,7 ميلليارد تەڭگەنى جىمقىرۋ فاكتىسى - حالىقارالىق اۋەجايدىڭ باس بۋحالتەرى تەرگەلۋدە
«جۇزدەگەن ميلليون تەڭگەنى جىمقىرۋ فاكتىلەرى بويىنشا ءبىرقاتار قىلمىستىق ءىس تەرگەلىپ جاتىر. مىسالى «نۇرسۇلتان نازاربايەۆ حالىقارالىق اۋەجايى» ا ق- نىڭ باس بۋحالتەرى، قىزمەتكەرلەرى مەن ءبىرقاتار كاسىپكەرلەرگە قاتىستى ءىس قارالۋدا. تەرگەۋ نۇسقاسىنا ساي، ولار نۇر- سۇلتان قالاسى بويىنشا سىبايلاس جەمقورلىققا قارسى قىزمەتتىڭ لاۋازىمدى تۇلعالارىنا قارجى- شارۋاشىلىق قىزمەتىنە تەكسەرۋ جۇرگىزبەۋ ماقساتىندا 16 ميلليون تەڭگە سوماسىندا پارا بەرۋ جانە ا ق- نىڭ 1,7 ميلليارد تەڭگە سوماسىنداعى قاراجاتتى جىمقىرۋ فاكتىلەرى بويىنشا تەرگەلۋدە»، - دەدى ق ر سىبايلاس جەمقورلىققا قارسى ءىس- قيمىل اگەنتتىگى تەرگەۋ كوميتەتىنىڭ باس تەرگەۋشىسى دانيار بەكايداروۆ اگەنتتىكتە وتكەن باسپا ءسوز ءماسليحاتىندا.
قازىرگى ۋاقىتتا كۇدىكتىلەرگە قاتىستى تەرگەۋ امالدارى جۇرگىزىلىپ جاتىر.
اۆتور: ايان بەكەن ۇلى