قور نارىعىندا دوللار باعامى 1,71 تەڭگەگە ارزاندادى

الماتى. قازاقپارات - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى تومەندەدى، دەپ حابارلايدى قازاقپارات ءتىلشىسى.

كۇندىزگى ساۋدا- ساتتىق مالىمەتىنە قاراعاندا، دوللار قۇنى 1,71 تەڭگەگە تومەندەپ، 1 دوللار 444,85 تەڭگە بولدى.

ايتا كەتەيىك، ۇلتتىق بانكتىڭ 8- ماۋسىمداعى رەسمي باعامى - 1 دوللار ءۇشىن 446,65 تەڭگە. Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللار 444,5 تەڭگەدەن ساتىلىپ جاتىر، ساتىپ الۋ - 448 تەڭگە. ال استانا قالاسى بويىنشا ساتۋ باعامى - 443 تەڭگە بولسا، ساتىپ الۋ - 447 تەڭگە. الماتىدا رەسەي ءرۋبلى 5,37 - 5,61 تەڭگە ارالىعىندا ساۋدالانىپ جاتىر. استانادا كورشى ەل ۆاليۋتاسى 5,35 - 5,45 تەڭگەدەن ۇسىنىلۋدا.