+7 (701) 759 90 19
19 °С : نۇر-سۇلتان
18 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

س ق و-دا جىل باسىنان سۋىق قارۋ ۇستاپ جۇرۋگە 1,6 مىڭ ادامعا رۇقسات بەرىلدى

6 ماۋسىم 08:28
:ءبولىسۋ
س ق و-دا جىل باسىنان سۋىق قارۋ ۇستاپ جۇرۋگە 1,6 مىڭ ادامعا رۇقسات بەرىلدى

پەتروپاۆل. قازاقپارات - سولتۇستىك قازاقستان وبلىسىنىڭ پوليتسيا دەپارتامەنتى جىل باسىنان قارۋدى ساقتاپ، الىپ جۇرۋگە رۇقسات بەرۋ بويىنشا 1613 ادامعا مەملەكەتتىك قىزمەت كورسەتتى، دەپ حابارلايدى قازاقپارات ءتىلشىسى.

پوليتسيا دەپارتامەنتى باسپا ءسوز قىزمەتىنىڭ مالىمەتىنشە، مەملەكەتتىك قىزمەتتىڭ بۇل ءتۇرى تۇرعىندار اراسىندا سۇرانىسقا يە. رۇقساتتى قارۋدى العاش ساتىپ العاندار جانە بۇرىننان بارلارى الۋى كەرەك. بۇعان دەيىن رۇقسات قۇجاتتىڭ مەرزىمىن ۇزارتۋعا مۇمكىن بولسا، ەندى ءار بەس جىل سايىن ونى جاڭادان الۋ قاجەت. بۇل قىزمەت «ەلەكتروندىق ۇكىمەت» پورتالى ارقىلى كورسەتىلەدى.

«قازىر ازاماتتىق جانە قىزمەتتىك قارۋ اينالىمىن باقىلاۋ بويىنشا بولىمشەلەردىڭ بارلىق قىزمەتى قاشىقتان كورسەتىلەدى. بۇل، تۇرعىندارعا ىڭعايلى بولۋى جانە سىبايلاس جەمقورلىقتىڭ الدىن الۋ ءۇشىن جاسالعان. مەملەكەتتىك قىزمەت كورسەتۋدىڭ جاڭا ستاندارتى ق ر ءى ءى م-نىڭ بيىلعى 27-ناۋرىزداعى № 254-بۇيرىعىمەن بەكىتىلگەن. بارلىق قىزمەتتەر ەلەكتروندىق فورماتقا كوشىرىلگەن. ولاردىڭ سانى 8 دەن 6 عا دەيىن قىسقاردى.

ۇزارتۋدان بولەك، كوميسسيالىق ساتۋعا جولداما دا بەرىلمەيتىن بولدى. ەندى قارۋدى كوميسسيالىق دۇكەنگە تاپسىرعان كەزدە رۇقسات قۇجات پەن جەكە كۋالىكتى كورسەتۋ جەتكىلىكتى»، - دەدى س ق و پوليتسيا دەپارتامەنتى باستىعىنىڭ ءبىرىنشى ورىنباسارى قانات ايتبايەۆ. پوليتسەيلەردىڭ ايتۋىنشا، كەي قارۋ يەلەرى «ەلەكتروندىق ۇكىمەت» پورتالىن پايدالانۋ بارىسىندا قيىندىققا كەزدەسىپ جاتادى.

سول ءۇشىن حالىققا قىزمەت كورسەتۋ ورتالىعىندا «ە-ليتسەنزيالاۋ» اقپاراتتىق جۇيەسىنەن قىزمەتتى ىزدەۋ قاجەت. ال ءۇي كومپيۋتەرىنەن كىرگەن جايدايدا egov.kz سايتى ارقىلى ىزدەۋگە بولادى.

ماسەلەن، «قارۋدى تىركەۋ» ساۋالىن ەنگىزگەن كەزدە «قازاقستاندا قارۋدى تىركەۋ» دەگەن بەتكە شىعادى. سول جەردە قاجەتتى قىزمەتتى تاڭداۋعا بولادى. س ق و-دا جىل باسىنان پوليتسيا بولىمشەلەرى قارۋ-جاراققا قاتىستى 2390 مەملەكەتتىك قىزمەت كورسەتتى. سونىڭ ىشىندە 1613 ادام قارۋدى ساقتاپ، الىپ جۇرۋگە رۇقسات العان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات