شەكارا ماڭىنداعى كليماتى قاتال اۋىل تۇرعىندارىنىڭ جىلدىق ەڭبەك ءوتىلى 1,5 جىل بولىپ ەسەپتەلمەك
«شەكارا ماڭىنداعى اۋداندارداعى اۋىلدىق جەرلەردە جۇمىس ىستەگەنى ءۇشىن جالاقىعا % 50 اۋىلدىق ۇستەمەاقى ەنگىزۋ مۇمكىندىگى قارالاتىن بولادى. توتەنشە تابيعي- كليماتتىق جاعدايلارى بار شەكارا ماڭىنداعى اۋدانداردىڭ تۇرعىندارى ءۇشىن، ياعني جىلىتۋ ماۋسىمى 9 ايعا سوزىلاتىن اۋماقتاردا ەڭبەك زاڭناماسىنا ءتيىستى وزگەرىستەر ەنگىزىلە وتىرىپ، 1 جىل ەڭبەك ءوتىلىن 1,5 جىل قىلىپ ەسەپتەۋ نورماسى كوزدەلەتىن بولادى»، - دەپ ۇسىنىس جازىلعان تۇجىرىمدامادا.
سونىمەن قاتار، شەكارا ماڭىنداعى اۋىلداردا ءبىلىم بەرۋ وبەكتىلەرىن، مەديتسينا مەكەمەلەرىن، سپورت مەكتەپتەرىن مەن مادەنيەت ۇيلەرىن سالۋ مەن ولاردى جوندەۋدەن وتكىزۋگە باسىمدىق بەرىلەدى.
«اقپاراتتىق قاۋىپسىزدىكتى قامتاماسىز ەتۋ جانە كورشى مەملەكەتتەردىڭ باق ىقپالىن تومەندەتۋ ماقساتىندا شەكارا ماڭىنداعى ەلدى مەكەندەر وتاندىق سيفرلىق ەفيرلىك تەلە جانە راديو حابارلارىن تاراتۋ تەلەارنالارىمەن قامتاماسىز ەتىلەتىن بولادى»، - دەپ كورسەتىلگەن قۇجاتتا.
اۆتور:
ءاليحان اسقار