رەسپۋبليكالىق بيۋدجەتكە تۇسكەن سالىق مولشەرى 1,5 ەسەگە ءوستى

استانا. قازاقپارات - جىل باسىنان بەرى مەملەكەتتىك بيۋدجەتكە سالىق تۇسىمدەرى بويىنشا جوسپار %103,4 ورىندالدى، دەپ حابارلايدى قازاقپارات.

مەملەكەتتىك كىرىستەر كوميتەتىنىڭ مالىمەتىنشە، جوسپار 11 316,8 ميلليارد تەڭگەگە بەلگىلەنىپ، 382 ميلليارد تەڭگەگە اسىرا ورىنداۋمەن 11 698,8 ميلليارد تەڭگە تۇسكەن. بۇل وتكەن جىلعى ۇقساس كەزەڭمەن سالىستىرعاندا 1,4 ەسە نەمەسە 3 400,2 ميلليارد تەڭگەگە وسكەنىن كورسەتەدى.

«مۇنىڭ ىشىندە رەسپۋبليكالىق بيۋدجەت %101,1 ورىندالدى، وتكەن جىلعى ۇقساس كەزەڭىمەن سالىستىرعاندا 1,5 ەسە نەمەسە 2 518,5 ميلليارد تەڭگەگە ءوستى. جەرگىلىكتى بيۋدجەت %108,5 ورىندالدى بىلتىرعى ۇقساس كەزەڭمەن سالىستىرعاندا% 30,8 نەمەسە 881,7 ميلليارد تەڭگەگە ءوستى»، - دەپ جازدى ۆەدومتۆودان.

تۇسىمدەردىڭ وسۋىنە مىناداي فاكتورلار اسەر ەتتى: 2022 -جىلى 10 ايدا وتكەن جىلعى ۇقساس كەزەڭمەن سالىستىرعاندا نەگىزگى ەكسپورتتىق پوزيتسيالارعا، ونىڭ ىشىندە مۇنايعا %46,9، مىرىشقا %21,9، اليۋمينيگە %13,9 جانە التىنعا %0,6 باعانىڭ ءوسۋى بايقالادى. شيكى مۇنايعا سالىناتىن كەدەندىك اكەتۋ باجىنىڭ مولشەرلەمەسى %43,1 عا ءوستى.

«اعىمداعى جىلعى 10 ايدا ءۇشىنشى ەلدەرمەن تاۋار اينالىمى %43,6 عا ءوستى (ەكسپورت %48,3 عا، يمپورت %32,5 عا ءوستى). وتكەن جىلعى ۇقساس كەزەڭمەن سالىستىرعاندا جىل باسىنان بەرگى وتكىزۋ بويىنشا اينالىم %22 عا ۇلعايدى»، - دەلىنگەن حابارلامادا.