قولاستىنداعىلاردى 1,5 ساعات بويى بالاعاتتادى دەلىنگەن اكىمنىڭ ۇستىنەن قىزمەتتىك تەرگەۋ باستالدى
بۇعان دەيىن الەۋمەتتىك جەلىدە ونىڭ قولاستىنداعىلاردى بالاعاتتاعان اۋديوسى تاراعان بولاتىن، دەپ حابارلايدى قازاقپارات ءتىلشىسى.
بۇل جايىندا اگەنتتىكتىڭ باسپا ءسوز قىزمەتى رەسمي مالىمەت تاراتتى.
«بۇقارالىق اقپارات قۇرالدارىندا مەملەكەتتىك قىزمەتشىلەرگە قاتىستى جاريالانعان ماتەريالدارعا مونيتورينگ جۇرگىزۋ بارىسىندا 23-قاراشا كۇنى ءبىرقاتار الەۋمەتتىك جەلىلەردە (Instagram, Telegram, TikTok) باتىس قازاقستان وبلىسى بايتەرەك اۋدانىنىڭ اكىمى مارات توعجانوۆتىڭ توراعالىعىمەن وتكەن ءماجىلىستىڭ اۋديوجازباسى انىقتالدى. مەملەكەتتىك قىزمەتشىلەردىڭ مورالدىق- ادەپ بەينەسىنە قويىلاتىن تالاپتار قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسىندە ايقىندالعان. مەملەكەتتىك قىزمەتشىلەر ارىپتەستەرىمەن قىزمەتتىك قارىم- قاتىناستا دورەكىلىك، قادىر- قاسيەتىن كەمسىتۋ، ادەپسىزدىك جانە بەيادەپ مىنەز- قۇلىق فاكتىلەرىنە جول بەرمەۋگە ءتيىس. وسىعان وراي مەملەكەتتىك قىزمەت ىستەرى اگەنتتىگى اتالعان لاۋازىمدى تۇلعاعا قاتىستى قىزمەتتىك تەرگەپ- تەكسەرۋ شارالارىن جۇرگىزىپ جاتىر. سونىڭ قورىتىندىسى نەگىزىندە ءتيىستى شەشىم قابىلدانادى»، - دەپ جازىلعان اگەنتتىكتىڭ مالىمەتىندە.
جەلىدەگى مالىمەتتەرگە قاراعاندا، وقيعا بيىل ناۋرىز كەزىندە بولعان. ال اۋديو جەلىدە بىرەر كۇن بۇرىن عانا تارادى.