پروكۋرورلار كاسىپكەرلەرگە سالىنعان 1,5 ميلليارد تەڭگە ايىپپۇلدىڭ كۇشىن جويعان
بۇل تۋرالى ق ر باس پروكۋرورى بەرىك اسىلوۆ بيزنەس وكىلدەرىمەن كەزدەسۋدە ءمالىم ەتتى، دەپ حابارلايدى قازاقپارات ءتىلشىسى.
«مەملەكەت باسشىسىنىڭ تاپسىرمالارى اياسىندا بيزنەستى زاڭسىز تەكسەرۋدەن جانە اكىمشىلىك كەدەرگىلەردەن قورعاۋ، كاسىپكەرلەردى قىلمىستىق وربيتاعا نەگىزسىز تارتۋ فاكتىلەرىنىڭ جولىن كەسۋ، - وسى سالالاردى سيفرلاندىرۋ باعىتتارى بويىنشا جۇيەلى جانە دايەكتى جۇمىستار جۇرگىزىلۋدە. ونىڭ ناتيجەسى دە بار. ەڭ اۋەلى تەكسەرۋلەردى 7 ەسە قىسقارتا الدىق»، - دەدى باس پروكۋرور.
ونىڭ ايتۋىنا قاراعاندا «تەكسەرىلەتىن بيزنەس سۋبەتىلەرى مەن وبەكتىلەرىنىڭ ءبىرىڭعاي ءتىزىلىمى» اۆتوماتتاندىرىلعان جۇيەسى ارقىلى جىل سايىن مىڭعا جۋىق زاڭسىز تەكسەرۋدىڭ جولى كەسىلەدى.
«سونىمەن بىرگە اكىمشىلىك جازا قولدانۋدىڭ زاڭدىلىعىنا مونيتورينگ جۇرگىزەمىز. ءبىر جارىم جىلدىڭ ىشىندە پروكۋرورلار 35 مىڭ كاسىپكەرگە سالىنعان 1,5 ميلليارد تەڭگە اكىمشىلىك ايىپپۇلدى الىپ تاستادى»، - دەدى بەرىك اسىلوۆ.