+7 (701) 759 90 19
12 °С : نۇر-سۇلتان
20 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

الەكسەي سوي 1,5 جىل كومادان ويانباي، ومىردەن وزعان ءبۇلدىرشىن تۋرالى ايتتى

23 ماۋسىم 21:56
:ءبولىسۋ
الەكسەي سوي 1,5 جىل كومادان ويانباي، ومىردەن وزعان ءبۇلدىرشىن تۋرالى ايتتى

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي ەلوردادا ءتىس ەمحاناسىنا بارعاننان كەيىن كوماعا ءتۇسىپ، 1,5 جىلدان كەيىن كوز جۇمعان بۇلدىرشىنگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«بۇل ءىس ەرەكشە باقىلاۋدا بولدى. وكىنىشكە وراي كىشكەنتاي قىز قايتىس بولدى. 2020-جىلعى 9- ساۋىردە سوت اتالعان ستوماتولوگيالىق ورتالىقتىڭ قىزمەتىنە تىيىم سالۋدى، ليتسەنزياسىن قايتارىپ الۋدى ۇكىم ەتكەن بولاتىن. سوت زالىندا اتا-انالارىنىڭ وزدەرى مەديتسينالىق ۇيىمعا تالاپتارى جوق ەكەندىگىن مالىمدەپ، اتالعان ۇيىمنىڭ قىزمەتىن توقتاتپاۋدى ءوتىندى»، - دەدى مينيستر ورتالىق كوممۋنيكاتسيالار قىزمەتىندەگى بريفينگ بارىسىندا ب ا ق وكىلدەرىنىڭ ساۋالىنا وراي.

دەگەنمەن، ول كەز كەلگەن زاڭ بۇزۋشىلىق، دەر ۋاقىتىندا ءتيىمدى كومەك الماۋ فاكتىسى بويىنشا شاعىمدانۋعا بولاتىندىعىن باسا ايتتى.

«مۇنداي شاعىمداردى قارايتىن جانە قىزمەتىن توقتاتۋدان باستاپ، سوتقا شاعىم بەرۋگە دەيىنگى بارلىق ءتيىستى پروتسەدۋرانى قابىلدايتىن اۋماقتىق دەپارتامەنتتەرىمىز، فارماتسيەۆتيكالىق باقىلاۋ كوميتەتىمىز بار. سوندىقتان، ەگەر مۇنداي جايتتار بولسا، وندا ازاماتتار زاڭدى تارتىپپەن شاعىممەن جۇگىنۋى قاجەت. ولار قارالادى»، - دەدى الەكسەي سوي.

ەسكە سالايىق، 2020-جىلدىڭ قاڭتار ايىندا ەلوردا تۇرعىنى اناستاسيا زەلەنايا ەكى جارىم جاستاعى بالاسى ستوماتولوگيالىق كلينيكاعا قارالعاننان كەيىن ەس-ءتۇسسىز كۇيگە تۇسكەنىن حابارلاعان بولاتىن.

وسىدان كەيىن ءتىس ەمحاناسىنا تەكسەرۋ جۇرگىزىلىپ ءبىرقاتار كەمشىلىك انىقتالعان ەدى. ال 21- ماۋسىمدا اناستاسيا زەلەنايا Instagram پاراقشاسىندا سابيىنەن ايىرىلىپ قالعانىن جازدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات