10:32, 30 - شىلدە 2020 | GMT +6
حالىقارالىق فۋتبول فەدەراتسياسى قازاقستانعا 1,5 ميلليون دوللار كومەك بەرمەك
نۇر-سۇلتان. قازاقپارات - حالىقارالىق فۋتبول فەدەراتسياسى (ف ي ف ا) كوروناۆيرۋس ىندەتىنەن تۋىنداعان داعدارىستان شىعىنعا ۇشىراعان ۇلتتىق فەدەراتسيالارعا قارجىلاي كومەك كورسەتۋ شەشىمىن قابىلدادى.
بۇل تۋرالى قازاقپارات Sports.kz سايتىنا سىلتەمە جاساپ حابارلايدى.
ف ي ف ا اتقارۋشى كوميتەتىنىڭ بيۋروسى 1,5 ميلليارد دوللار كولەمىندە جيىنتىق تولەمدى ماقۇلداعان. تاعى 210 فەدەراتسياسى سياقتى، قازاقستان دا 1 ميلليون دوللار كولەمىندە اقشالاي وتەماقى جانە ايەلدەر فۋتبولى ءۇشىن تاعى 500 مىڭ دوللار الادى. سونداي-اق، بولىنگەن سوما ىندەت سالدارىن جويۋعا جەتىسپەي قالعان فەدەراتسيالارعا 5 ميلليون دوللارعا دەيىن نەسيە الۋ مۇمكىندىگى بەرىلەدى.
ايتا كەتسەك، قازاقستاندىق پرەمەر-ليگا ويىندارى الەمدە قالىپتاسقان جاعدايعا بايلانىستى ازىرگە توقتاتىلدى.