اتىراۋدا جوعالعان 1,5 جاسار بالا ءولى تابىلدى

None
None
اتىراۋ. قازاقپارات - اتىراۋدا ەكى كۇن بۇرىن جوعالعان 1,5 جاسار بالانىڭ دەنەسى سەپتيكتەن تابىلدى، دەپ حابارلايدى قازاقپارات.

بۇگىن بۇل دەرەكتى وبلىستىق پوليتسيا دەپارتامەنتى باسپا ءسوز قىزمەتى راستادى. «جۇلدىز» شاعىناۋدانىنداعى ۇيىنەن شىعىپ، قايتا ورالماعان بالاقاي قوقىس استىنداعى سەپتيككە ءتۇسىپ كەتكەن. كىشكەنتاي ءبۇلدىرشىندى ىزدەۋگە پوليتسيا قىزمەتكەرلەرىمەن بىرگە، ەرىكتىلەر، ۇلتتىق ۇلان ساربازدارى مەن توتەنشە جاعداي قىزمەتىنىڭ ماماندارى، قىزمەتتىك يتتەر تارتىلعان ەدى. ىزدەۋ جۇمىستارى كەزىندە «جۇلدىز» شاعىناۋدانىنان بەسىكتى اۋىلىنا دەيىنگى ەلدى مەكەندەردىڭ كوشەلەرى تەكسەرىلگەن.

ساياجاي ۋچاسكەلەرىنە، قاراۋسىز قالعان عيماراتتارعا، جايىق وزەنىنىڭ جاعالاۋىنا دا شولۋ جاسالعان. سونداي-اق، ارنايى تەحنيكامەن كارىزدىك رەزەرۆۋارلاردىڭ سۋى سورىلىپ، تەكسەرىلدى. «بالاقاي ءوز ءۇيىنىڭ اۋلاسىنداعى كارىز رەزەرۆۋارىنان تابىلدى. رەزەرۆۋار قوقىس استىندا بولعان» - دەپ حابارلادى پوليتسيا دەپارتامەنتىنىڭ باسپا ءسوز قىزمەتى.

بۇعان دەيىن اتىراۋدا 1,5 جاسار ءسابيدىڭ جوعالعانىن، ونى ىزدەۋگە 50 ۆولونتەر مەن 400 ەرىكتى قوسىلعانىن، سونداي-اق درون دا قولدانىلعانىن جازعان ەدىك.

اۆتور: بەك مۇستافا

سوڭعى جاڭالىقتار