+7 (701) 759 90 19
-3 °С : نۇر-سۇلتان
0 °С : الماتى
USD 376.72 EUR 408.67
RUB 5.76 CNY 53.68
جاڭالىقتار

بىلتىر قوجا احمەت ياساۋي كەسەنەسىنە 1,5 ميلليون ادام كەلگەن

21 قاڭتار 17:30
:ءبولىسۋ
بىلتىر قوجا احمەت ياساۋي كەسەنەسىنە 1,5 ميلليون ادام كەلگەن

تۇركىستان. قازاقپارات -2019 -جىلى تۇركىستان قالاسىنداعى قوجا احمەت ياساۋي كەسەنەسىنە 1,5 ميلليون ادام كەلگەن. وسى كورسەتكىشتى 2025 -جىلى 5 ميلليونعا جەتكىزۋ جوسپارلانىپ وتىر.

تۇركىستان وبلىسى اكىمىنىڭ ورىنباسارى مەيىرجان مىرزاليەۆ وڭىرلىك كوممۋنيكاتسيالار قىزمەتىندە وتكەن جيىندا وسىلاي ءمالىم ەتتى.

مەيىرجان مىرزاليەۆتىڭ ايتۋىنشا، ءوڭىردىڭ تۋريزم سالاسىنىڭ نەگىزگى ينديكاتورلارى الدىڭعى جىلدارمەن سالىستىرعاندا ءوسىپ كەلەدى.

«2019 -جىلدىڭ 11 ايىندا ورنالاستىرۋ جانە تاماقتانۋ ورىندارىنا تارتىلعان ينۆەستيتسيا كولەمى 13 ميلليارد تەڭگەگە جەتىپ، رەسپۋبليكادا ۇزدىك ۇشتىككە كىرىپ وتىرمىز. تۇركىستان- وتىرار باعىتىندا تاريحي- مادەني، سارى اعاش كۋرورتى اۋماعىندا ەمدىك- ساۋىقتىرۋ، تۇلكىباس، تولە بي اۋداندارىندا ەكولوگيالىق تۋريزم تۇرلەرى قارقىندى دامىپ كەلەدى»، - دەدى وبلىس اكىمىنىڭ ورىنباسارى.

جالپى وبلىستا 168 قوناق ءۇي، 51 شيپاجاي، 60 دەمالىس بازاسى قىزمەت كورسەتەدى. ەكولوگيالىق، تاريحي- تانىمدىق تۋريزم باعىتىندا 57 تۋريست مارشرۋتى ازىرلەنگەن. بيىل 20 ورنالاستىرۋ ورىندارىن اشۋ جوسپارلانۋدا. ولاردىڭ قاتارىندا 8 قوناق ءۇي جاڭادان ىسكە قوسىلسا، 7 قوناق ءۇي قايتا جوندەۋدەن وتكىزىلەدى. 5 ەمدىك- ساۋىقتىرۋ ورنى اشىلادى. سونداي- اق، تۇركىستان قالاسىندا ورنالاستىرۋ ورىندارىن حالىقارالىق تالاپتارعا سايكەستەندىرۋ ءۇشىن قوناق ۇيلەر كۇردەلى جوندەۋدە وتكىزىلۋدە.

قازىرگى تاڭدا، تۇركىستان قالاسىندا تۋريستەرگە تولىق اقپارات ۇسىناتىن «ۆيزيت ورتالىقتىڭ»، «ۇلى جىبەك جولىنىڭ ۇلتتىق ءداستۇرلى قولونەر ورتالىعىنىڭ»، حالىقارالىق اۋەجايدىڭ، «ياساۋي مۇراجايىنىڭ» جانە ت. ب. نىسانداردىڭ قۇرىلىسى جۇرگىزىلۋدە.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات